Cordova sumagwan ng Gintong Medalya

WEST JAVA, Indone­sia-- Hindi sinayang ni Nes­tor Cordova ang pagkaka­taon na ibinigay sa kanya nang kunin ang ginto sa men’s lightweight singles sculls sa pagbubukas ng ro­wing kahapon sa Cipule La­ke sa Ekasi, West Java.

Todo-sagwan ang gi­nawa ng 34-anyos na tubong Murcia, Negros Oc­­ci­dental para tuluyang ma­kalamang sa kalagitnaan ng 2,000-meter race na hindi na niya binitiwan.

Naorasan si Cordova ng 7 minuto, 18.8 segundo na lamang ng mahigit tatlong se­gundo sa pumangalawang si Chaichana Thakum ng Thailand na may 7:21.6. Pumangatlo naman si Aung Ko Min ng Myanmar sa kanyang 7:25.3 tiyempo.

Labis-labis ang pasasa­la­mat ni Cordova kay Li­tuanian coach Rolandas Kaz­lauskas dahil siya ang pi­nalaro sa event laban kay Ben­jie Tolentino na kampe­on ng event mula 2003, 2005 at 2007 SEA Games.

Hindi idinaos ang rowing sa Laos noong 2009 SEAG.

 “Lahat ng paghihirap sa training at pagtuturo ni coach Kazlauskas ay nagbu­nga sa pa­nalong ito,” ani Cordova.

“This victory is huge for us and proved that I was not wrong in picking Nestor,” wi­­ka naman ni Kazlauskas.

Umani ng bronze medal ang tambalang nina Edgar Re­cana Ilas at Alvin Ampos­ta sa lightweight doubles sculls nang maorasan ng 6:49.5.

Sina Leam Kangnok at Ruthtanaphol Thepp ng Thailand ang nanalo sa 6:45.3, habang sina Ihram at Jamaludin ng Indonesia ang pumangalawa sa 6:48.2.

“This shows that Filipino ro­wers can still be compe­titive despite the meager re­sources the association has,” pahayag ng pangulo ng rowing association na si Ben­jie Ramos.

Magtatambal sina To­len­­­­tino at Jose Turingan sa men’s doubles scull at si­­na Cor­dova, Amposta, To­len­ti­no, Ilas at Turingan ang ma­­kakasama nina Dar­win Rod­­riguez, Nicanor Re­ga­lado, Roque Ablan at Ed­gar­do Mae­rina.