Dagkung premyo sa Race to Reduce Challenge
CEBU, Philippines - Mokabat ngadto sa P70,000 nga ganting salapi ang giandam alang sa mga mananaog sa "Race to Reduce Challenge" run nga gipasiugdahan sa Aboitiz karong Agosto 14 diha sa Cebu International Convention Center (CICC).
Si race organizer ug The Freeman columnist Raffy Uytiepo nagkanayon nga mao kini ang labing dakung premyo nga gigahin alang sa lumba sa kasaysayan sa Cebu running.
Gibahin sa lima ka kategoriya -- 42K marathon, 21K half marathon, 10K, 5k ug 3K, ang lumba gisuportahan usab sa kagamhanan sa probinsiya sa Sugbu nga gipangulohan ni Gov. Gwendolyn Garcia.
Tungod sa kadaku sa lumba, pipila na ka mga elite runners ang mikompirmar sa ilang partisipasyon lakip na ang mga national marathon record holder sa nga si Vertek Buenavista ug tulo ka Kenyan nationals.
Dili usab magpabitin ang mga local prospects nga sila si Mendel Lopez, Adonis Singson, Ian Bernido, Joebert Carolino, Mary Joy Tabal, Mary Grace Delos Santos ug Madelyn Carter.
Ang registration fee nagkantidad og P700 sa 42K, P600 sa 21K, P500 sa 5K ug P300 sa 3K.
Mahimo sab nga makabarato sa registration fee apan walay libreng singlet ug timing chips, Ang 42K nagkantidad og P550, ang 21K mobayad og P450, sa 5K adunay registration nga P350 ug ang 3K may registration fee nga P150.
Mahimong magparehistro diha sa Cebu City Sports Center, RUNNR sa Ayala, Tobyís sa SM City ug sa Cebu Provincial Capitol. - (BANAT NEWS)
- Latest
- Trending
