3-peat alang ni Arcilla

CEBU, Philippines -  Nakarekober si Johnny Arcilla ug nidaog batok sa iyang higpit nga karibal Patrick John Tierro alang sa usa ka grandslam feat sa 4th Cebuana Lhuillier Men's Open Tennis Championships kagahapon didto sa Baseline tennis courts.

Naglisud si Arcilla pagposte og daog batok ni Tierro, 6-7(2), 6-4, 6-3 sa kulbahinam nilang duwa nga milanat og duha ka oras ug 20 minutos, ang kinadugayang duwa sa kinatibuk-ang duwa ning ikaupat nga edisyon sa tinuig nga kompetisyon.

Ang duha pulos mipakita sa ilang kainit sa pagsugod, apan si Arcilla maoy mipatigbabaw sa makutas nila nga duwa dihang gibati ba sab og kakapoy si Tierro

"Patience lang gyud. Naghuwat lang ko sa tama nga time. Pagkakapoy na niya, niana nako namakadaug ko ani," matud pa ni Arcilla.

Kini ang ikatulong sunod-sunod nga singles title ni Arcilla sa Cebu action sa Cebuana Lhuillier, diin Tierro nidaog sa unang edisyon batok ni Yanick Guba. (BANATSPORTS)