Stern mibawos og saway kang Van Gundy

CEBU, Philippines - Human mipahungaw sa iyang gibati si coach Stan Van Gundy sa Orlando Magic diin iyang gitandi ang NBA commissioner nga si David Stern ngadto sa mga gamhanang leaders sama kanilang Hosni Mubarak sa Egypt ug Muammar Gaddafi sa Libya.

Matod pa ni Van Gundy nga dili pa gani kaayo tingali haum ang mga pulong nga iyang gigamit tungod kay posibleng sila si Murabak ug Gaddafi dili sab makauyon kang Stern.

Dali kaayo kining gitubag ni Stern kinsa nagkanayon nga wala siya makurat sa maong mga pagsaway. Sa usa ka interview ni Colin Cowherd sa ESPN Radio nga nag-ulohan og “The Herd” gibanghag ni Stern si Van Gundy sa iyang mga linoog nga istelo.

Mosunod ang pipila ka mga pulong nga nakutlo gikan sa interview ni Cowherd nga gi-transcribed ni Zach McCann alang sa Orlando Sentinel.com.

“I see somebody whose team isn’t performing, whose star player is suspended, who seems to be fraying,” matod pa ni Stern ngadto kang Van Gundy.

Dihang gipangutana si Stern kung nabalaka ba siya nga aduna pay laing luwatan nga komentaryo si Van Gundy, si Stern mitubag nga wala na siya magtuo nga usbon pa kadto ni Van Gundy.

“I would venture a guess that we’re not going to be hearing from him for the rest of the season.I think when he stops and reads what he said, realizes what he did, he will say no more. ... I have a feeling some modicum of self-restraint will cause Stan, and the team for which he works, to rein in his aberrant behavior.”

Mipadayon si Stern. “Look, I’m not mad at Stan Van Gundy. He has a lot going on, since his team is on the brink of disaster. He should just quiet down to rescue what’s left of his fragile psyche.” (GGM) (BANATSPORTS)