Banal-Yoo fight isalida

CEBU, Philippines - Gikagubtan nga sangka tali ni AJ 'Bazooka' Banal ug Big Yoo didto sa Bohol ipasalida sa ABS-CBN channel 2 ug Studio 23.

Ang "Sandugo Labanan sa mga Kampeon" usa sa mga kalihukan nga nalinya sa tinuig nga Sandugo Festival sa Bohol ug gidalit sa ALA Promotions ug ABS-CBN Sports sa koordinasyon sa Bohol Sandugo Foundation Inc. ug sa kagamhanan sa dakbayan sa Tagbilaran ubos sa liderato ni Mayor Dan Neri Lim.

Makita kini ugma sa ABS-CBN sa alas-10:15 sa buntag ug sa Studio 23 sa alas-10 sa gabii.   (BANATNEWS)