Siso siblings abante semis sa 15th Gullas Cup

CEBU, Philippines - Lab-as pa gikan sa ilang kadaugan didto sa Dumaguete City, ang managsuong Sally Mae ug Sallydine Siso mipakita na sab sa ilang katakus sa ikatulong adlaw sa 15th Gullas Tennis Cup kagahapon didto sa Cebu Country Club tennis courts.

Ang managsuong Siso maoy nakampiyon sa Dumaguete Leg sa Smart-Head-Age Group Tennis Circuit.

Si Sally Mae yanong mipukan ni Elgy Dasian sa 18-under category, 6-1, 6-0, samtang si Sallydine mipalagpot   ni Mary Andriane Toledo, 60-61, 61-60.

Uban sa managsuong Siso   nga milusot sa penultimate round mao sila si Kristel Mae Buenacosa kinsa mipukan ni Khara Lei Abadia, 6-3, 6-4, samtang ang katapusang luna semis ilogan pa nila ni Bianca Cenabre ug Elma Dasian.Si Sally Mae mao ang labing unang player nga miabante sa semis sa girls 16-year old class, human niya napilde si Hannah Grace Espinosa, 6-0, 6-2.

Si Dasian, kinsa napilde ngadto ni Sally Mae nakabawi pinaagi sa paglubong ni Berlie Blythe Bunaghug, 6-1, 6-3 sa girls 14-under division.

 Mikompleto sa mga semifinalists sa girls 14 mao sila si Erika Keller, Crissiane Issa Kintar ug Francis Lorein Lanzada.

Sa boys 16, si Reynaldo Dimao makigtigi ni Dan Eldred Cinco ug si Francis Dominic Lanzadao moharong ni Fritz Satera.

Nakakuha sab og lingkoranan sa semis sa boys 12 sila si Jan Godfrey Seno, Christopher Encarnacion, Joshua Kinaadman ug Clyde Dujali. – BANAT NEWS