Yaw-Yan ArDigma padayong nanawat mga tinun-an

CEBU, Philippines - Ang Yaw-Yan ArDigma Martial Arts Federation, padayong nanawat og mga tinun-an, kinsa buot makat-on   og Yaw-Yan Martial Arts diha sa Coast Pacific Building atbang sa University of Cebu (UC)-Main campus sa dalan Sanciangko , ning siyudad.

Ang Yaw-Yan ArDigma nga gitawag usab og “Sayaw sa Kamatayan” usa ka Pinoy martial arts nga gipasiugdahan ni Grandmaster Napoleon 'Nap' A. Fernandez.

Ang maong matang sa martial arts mogamit sa lawas isip hinagiban sa pakigsangka sama sa sumbag, patid, head ug shoulder butts, tuhod, siko ug ground fighting.

Si Master Benigno 'Ekin' R. Caniga Jr., ang Yaw-Yan ArDigma founder ug CEO, miawhag sa mga batan-on nga magtuon og self-defense aron ilayo ang ilang kaugalingon sa bisyu ilabi na sa paggamit og ilegal nga drogas.

Gawas sa Yaw-Yan ArDigma System, ang mga kurso nga gitanyag ni Caniga mao ang arnis, boxing, Mixed Martial Arts ug Yaw-Yan Combat alang sa self-defense.

Alang niadtong interesadong makat-on sa Yaw-Yan, mahimo mokontak sa numero 09198215582. – BANAT NEWS