3 ginto uli sa Pilipinas
VIENTIANE-- Vientiane--Tatlong magigiting na atleta mula sa kani-kanilang napiling sports ang nagsubi ng tatlong ginto para sa araw na ito sa pagpapatuloy ng aksiyon sa 25th Southeasty Asian Games dito.
Unang ibinigay ng Olympian jin na si Tshomlee Go ang unang ginto ng Pilipinas na sinundan ni Marna Pabillore at tinapos ni swimming superstar Miguel Molina.
Buong ningning na pinatunayan ni Go ang kanyang pagiging world class nang sipain nito si Lee Huhn Chau ng Vietnam, 3-0 sa featherweight division sa Booyong Gymnasium sa loob ng National Stadium.
Sa kabilang dako, dumaan naman sa masalimuot na laban si Pabillore nang isa-isa niyang dinispatsa ang mga kalaban upang mapagwagian ang ikalawang ginto kahapon at pabagsakin si Nguyen Thi Thai Yen ng Vietnan sa 55 kg. class.
Hindi naman naging masuwerte sa kanyang gold medal bout si Eunice Alora nang silver lamang ang naisubi nito nang yumuko ito sa Indonesian, 1-2.
Gayundin ang mga kakampi ni Pabillore nang silver lamang ang naihandog nina Lutche Metante sa Kumite 68 kg. at Rolando Lagman 75 kg.
Kinuhba ni Molina ang kanyang ikalawang ginto matapos manalo sa 400m individual medley sa swimming.
Bunga ng tatlong gintong kinamada nina Go, Pabillore at Molina, nakaipon na ng 7 na ginto ang bansa.
Dismayado naman si Sheila Mae Perez, Olympian at two-time gold medalist sa SEAG sa naging resulta ng kanyang pag-dive sa silver.
Nasa posisyon naman para sa medalya ang snookers doubles team nina Roberto Gomez Jr. at Carlo Biado na sinargo ang Laos tandem. (DMVillena)
- Latest
- Trending