Kapalaran ng women's boxing nakasalalay kay Embuldeniya

MANILA, Philippines – Sa pangunguna ni Nieva Embuldeniya (nee Tesoro), na tubong Lailo, Cagayan, nagawang posible ang pagkakaroon ng torneo ng boksing para sa mga kababaihan sa Olympic games.

Itinalaga bilang vice chairman ng AIBA Women’s Commission ni Dr. Ching Kuo Wu, pangulo ng Amateur International Boxing Association, habang nagsisilbi sa AIBA Executive Committee.

Nagtapos ng Bachelor of Science in Medical Technology sa UST, pinatunayan ni Embuldeniya na mayroon itong karanasan at kaalaman sa naturang larangan.

Tangan ang Canadian citizenship at naninirahan sa Colombo, naniniwala ang Pinay na madami itong natutunan nula sa kanyang asawang si Herbert Embuldeniya na isang Sri Lankan national at former president ng Canadian Boxing Association.

“My husband is the man who taught me boxing,” ani Embuldeniya sa naklaipas na courtesy call kay Manny V. Pangilinan, chairman ng Amateur Boxing Association of the Philippines.

Nagsimulang sumibol ang interes ni Embuldeniya sa amateur boxing noong 1986, kung saan tumutulong ito sa bawat torneo nilalahukan ng kanyang flyweight gold medalist na asawa.

Bago pa sumabak sa pago-officiate ng laban, gumawa rin ito ng ibang trabaho sa opisina at naging tagahawak ng pera.hanggang sa naging international technical official.

Para kay Ed Picson, ABAP executive director, magiging malaking bahagi si Embuldeniya at magkakaroon ng krusyal na parte para sa 2012 London Olympics.

“In our talk with Dr. Wu in Taipei last month, he said Nieva will be instrumental in AIBA’s desire to include women’s boxing in the Olympics,” pahayag ni Picson.

Ang mahigit isang oras na diskusyon ng grupo nina ABAP president, Ricky Vargas at secretary general Patrick Gregorio kina Embuldeniya ay naging makabuluhan dahil sa mga mahuhusay na impormasyong pinamahagi ng mag-asawa tungkol sa ibat ibang istilo at estratehiya ng boksing sa international competitions. (Sarie Nerine Francisco)