Mr. Visayas, Mr. Cebu search karon na

CEBU, Philippines – Panahon na sab sa mga bodybuilders lukop nasud nga maila ug mahimong kabahin sa national training pool nunot sa pagpahigayon sa 5th edition sa Mr. Visayas ug Mr. Cebu Competition nga himuon karon diha sa SM City-Cebu Conference Hall.

Ang Mr. Visayas sama nga open category sa mga partisipante sa tanang rehiyon, samtang ang Mr. Cebu tugbang sa novice ug beginners levels ug bukas kini ngadto sa dili Sugbuanon basta wala lang kini gidag-ang titulo sa novice.

Ang mga nidaog kaniadto sa Mr. Philippines ug Mr. Visayas gitugtan lamang sa pag-apil sa Visayas open category.

Gawas sa rekomendasyon aron maapil sa RP training pool, ang top performers makadawat sab og cash prizes, customized PFBB medals, nutritional supplements, gift packs ug health endorsements.

Ang registration fee nagkantidad og P300. Alang sa dugang mga kasayoran, tawag lang sa 254-3994, 346-9557, 0917-4572777 o di ba sa 0920-9470028. – BANAT NEWS