4AES mipukan sa U.N.A. sa SNBA summer league

CEBU, Philippines - Ang balanseng atake nga gihimo sa 4AES maoy nakapukan sa U.N.A. sa iskor 83-74 San Nicolas Basketball Association (SNBA) Summer League didto sa San Nicolas Sports Complex, ning siyudad.

Si George Ramil mikati og otso sa iyang 10 puntos sa third period aron pangulohan ang 4AES.

Sikit kaayo ang aksiyon pagsugod sa duwa nga miresulta sa panagtabla, 21-all. 

Sa wala damha, kalit lang nga mibuylo ang 4AES sa second half   pinaagi sa paglusad og 14-2 rally.

Si Brando Ponce mitusak og duha ka three pointers nga maoy miduslit sa kainit   sa 4AES.

Sila si Arjan Escala ug Ramil Llanto miamot og sayes puntos matag usa alang sa 4AES. 

 Si Nyd Torremocha, kinsa mibahog og 15 puntos maoy nangulo sa naparot nga U.N.A., gisundan ni Michael Cabanit nga miamot og otso puntos.

Puntos Matag Usa

4AES (83) - G.Ramil 10, B.Ponce 6, A. Escala 6, P. Tano 4, J. Babatid 4, N. Bas 4, L. Cabase 2, J. Vega 2, W. Sanchez 2

U.N.A (74) - N. Torremocha 15, M. Cabanit 8, J. Zabate 6, L. Cabigas 6, B. Cabaral 2. - BANAT NEWS