Ginebra pinakitaan nina Mercado at Norwood

Nagtulong ang mga rookies na sina Solomon Mercado at Gabe Norwood sa 28 points at six steals para ihatid ang Rain or Shine sa ikalawang panalo sa tatlong laro sa Group A sa pamamagitan ng 69-64 tagumpay sa Barangay Ginebra nitong Sabado sa PBA Pre-Season tourna-ment sa San Sebastian College-Recoletos gym sa Cavite City.

Nakabangon ang Elas-to Painters sa panghihina sa fourth quarter matapos kumamada ng 12 sunod na puntos upang pigilan ang pananalasa ng naghahabol na Gin Kings na tumapos ng kanilang kampanya sa pre season tournament na ito na bokya sa tatlong laro.

Bubuksan ng Elasto Painters ang kanilang kam-panya sa Philippine Cup sa October 5 laban sa Air21.