Top riders sa 2007 MS Motosuit Motocross Series  awardan na

Modawat na sa ilang pasidungog ang top riders sa 2007 MS Motosuit Motocross Series nga gipangulohan ni Jobannie Abellar, ang Rider of the Year" sa usa ka engrandeng seremonyas karong gabii diha sa Grand Convention Center of Cebu.

Gipaabot nga motambong sa maong kalihukan mao sila si San Remigio mayor Mariano Martinez, San Fernando mayor Neneth Reluya uban ni Cebu City Sports Commissioner ug The Freeman managing editor Nimrod NL Quiñones.

Nadaog ni Abellar maong labing taas nga award dihang nakatigom kini'g  dakung  puntos human sa 11 ka legs nga adunay 279 sa premier experts class. Gisundan ni Pepo Rubi kinsa mihipos og 253  puntos. Si Abellar midominar sab sa intermediate class.

Lain pang pasidunggan mao ang official endorder sa MS Motosuit nga si John Flores sa mini division human makapupo 370 puntos human  sa 11-leg series,  Ayen Ledesma nga  midaog sab og duha ka overall championship trophies human niya gidominar ang open enduro ug beginner's open production, Andot Rubi sa executive A, Seigfred Ornopia sa executive B, Paulo Inoc sa novice open production ug Donkey Sanchez sa local enduro.

Ang big boss sa MS Motosuit nga si Lou Ornopia, ang "Sportsman of the Year" honoree sa Sportswriters Association of Cebu-San Miguel Corporation (SAC-SMC) All-Cebu Sports Award sa miaging tuig miingon nga  mga dirtbike accessories  ug giveaways ang i-raffle atol sa maong kalihukan.  Gawas ni  Lou, ang  iyang manghod  nga si Seigfred ug tag-iya sa Keiz BZ's mopa-raffle sab  og usa ka unit nga Crypton motorcycle.

Human sa awarding ceremonies ilusad sab dayon ang 2008 edition sa MS Motocross Series.