2 Cebuano mobanat sa Dream Tour 2006

Duha sa tulo ka Cebuano qualifiers sa United Cyclists Association of the Philippines (UCAP) Dream Tour 2006 karong Abril 18-23 ang mo-compete ubos sa usa ka team.

Si Robert Villaver, kinsa nakaapil sa Tour Pilipinas sulod sa tulo ka sunod-sunod nga katuigan, nakadesisyon nga moapil ning UCAP-organized event uban ni Jaybop Pagnanawon, ubos sa Team IX sa Pagcor nga gipangulohan ni Lloyd Lucien Reynante.

Lain pang mga sakop sa koponan ni Reynante mao sila si Stalin Benito, Joefrey Talaver, Alfredo Mata ug Edward Nardo.

Laing Sugbuanon nga si Nilo Barbalose, ang anaa sa komposisyon sa Team XII.

Ang Team XII pangulohan ni Benito Lopez, nga usa usab ka rider sa Pagcor.

Uban nilang Lopez ug Barbalose mao sila si Elmer Atillano, Jayson Garillo, Gerald Asiado, Real Dolar ug Jay Barrantes.