Guardo '93, Sirlitz '95 mi-abante sa semis

Mi-abante na ngadto sa semifinals ang defending champion Atan Guardo '93 ug ang Sirlitz '95 human nila gipakamang ang tagsa-tagsa nila ka mga kaatbang sa miaging gabii sa 2005 Osaka Iridology-San Carlos Boys High Alumni Basketball Association Summer Cup didto sa USC-BHS gym.

Ang Atan Guardo '93 mipaluhod sa 33.3 Crusaders, 91-79 samtang ang Sirlitz '95 mitali og 92-89 nga kadaugan batok sa Deca Homes '97.

Sa pagsugod, init kaayo ang gipakitang opensa sa 33.3 Crusaders ug gani milabaw kini og dos puntos, 21-19 paghuman sa unang kuwarter.

Apan si Bong Eleazar uban ni Roy Jumao-as kalit lang nga nanginit aron sa paghatod sa Guardo '93 sa pagsakmit sa labaw, 42-36 paghuman sa first half.

Tungod sa paningkamot sa Guardo '93, ila pa gyud nga gipaburot ang ilang labaw ngadto na sa kadaugan.

Si Eleazar mihipos og 24 puntos aron sa pagpangulo sa Atan Guardo '93.

Puntos matag - usa

Unang duwa:

ATAN GUARDO '93 (91)

Eleazar 24, Ylanan 19, Jumao-as 18, Cabrera 8, Colinares 8, Justimbaste 6, Cabahug 4, Bacolod 2, Sanchez 2 33.3 CRUZADERS '98 (79)

Pasiculan 23, Matunog 19, Maxilom 12, Toledo 8, Zamora 7, Domaboc 6, Talisaysay 2, Rico 2

Ikaduhang duwa: SIRLITZ '95 (92)

Noval 23, Bugtai 17, Caparas 13, Seno 9, Boquia 8, Mata 7, Cenas 6, Solon 4, Cabutihan 3, Inocian 2 DECA HOMES '97 (89)

Bughao 22, Filomeno 19, Tapic 17, Cabrillas 15, Noval 11, Remonte 5.