Racela,Hawkins, Jackson may inaambisyon pa

Sa dami ng mga bata at mahuhusay na manlalaro, halos hindi na nakikita sina Olsen Racela, Bong Hawkins at Chris Jackson.

Sa pagkakaalam ng ilan, papalaos na ang career ng mga nabanggit.

Si Racela, ang mahusay na guard ng San Miguel, ay umaasinta ng tatlo pang career highlights sa ginaganap na PBA season.

Gayundin sina Hawkins ng Coca-cola at Jackson ng Shell na nangangarap na makasama sa all-time greats ng liga.

Nasa kanyang ika-12th season sa liga, si Racela ay kulang na lang ng 234 para maging 51st member ng 5,000 point club, 43 puntos para maging 21st member ng 2,000 assist club kung saan nakikipag-karera din si Jackson at si Hawkins naman ay umaasang magiging ika-15th players na makakaipon ng 500 steals.

Asam din nina Jackson at Hawkins, na makasama sa 3 players na nakapagreghistro ng 2,000 defensive rebounds at 1,000 offensive rebounds.