Guma-as nanalo sa Shell Taxi king Challenge

Si Crispin Guma-as ang siyang nanaig sa Shell Rimula/Mega taxi Class, habang si Rodrigo Recana ang siyang namayani sa Shell Helix Taxi Class sa 3rd leg ng Shell Taxi King Challenge na ginanap kamakailan sa Riverbanks-Marikina parking lot na sinalihan ng 84 entries.

At dahil sa mahusay na ipinakita nila sa paligsahang naglalayong pagibayuhin ang kaalaman sa batas trapiko ng mga drivers, sila ay tumanggap ng tig-P10,000.

Pumangalawa kay Guma-as si Jerry Ilano at Emerson Coloma, habang sina Bernardino Fetalino at Ronaldo Magpantay ang naging 2nd at 3rd placer sa likod ni Recana.