Ikaduhang batch nga entries SA MMFF 2026 , gianunsyo na!
CEBU, Philippines — Gipahibalo na sa Metro Manila Film Festival (MMFF) ang ikaduhang batch sa official entries , nga mikompleto sa Magic 8 nga nalakip sa ika-52 nga edisyon sa maong film festival .
Lakip sa nadugang nga entries mao ang historical drama nga “Los Salvajes Bravos,” starring Romnick Sarmenta ug Ruru Madrid; documentary film nga “Seeds of Peace: The Life of Fr. Rhoel D. Gallardo, CMF,” starring Zaijian Jaranilla; "Little Hope" starring Pepe Herrera ug Yassi Pressman;ug “A Perfect Marriage,” starring Kim Chiu ug Paulo Avelino.
Ang unang batch nga gipahibalo niadtong Hulyo kay naglangkob sa “Second Miracle in Cell No. 7,” “Amir,” “Haunted Carnival,” ug “The Greatest Showdown.”
2027 Grammy Awards, target sa SB19 ug BINI
Gipunting sa P-pop groups nga SB19 ug BINI ang global nga pag-ila pinaagi sa ilang mga kanta nga giduso aron mahatagan og konsiderasyon sa 2027 Grammy Awards.
Gipahibalo sa SB19 nga ang “VISA” gisumiter alang sa Best Asian Pop Music Performance, samtang ang “LAWLESS” gitumong sa Best Pop Duo/Group Performance category.
“From the Philippines to the world, thank you for believing in SB19. Let's continue to champion Filipino music and bring it to the global stage!,” suma pa sa SB19.
Sa laing bahin, tulo ka entries ang giduso sa BINI, lakip ang “Unang Kilig” alang sa Best Asian Pop Music Performance ug “A Parallel World” gikan sa pelikulang “Forgotten Island” alang sa Best Song Written for Visual Media. Wala usab palabya sa BINI ang Best New Artist category.
“Let's keep supporting BINI, and Filipino music and talent as we take our step to the global stage,” nagkanayon ang Star Music.
“Pee Mak” sa WilBea, mosikad karon sa mga sinehan
Nanghugyaw sa mga Sugbuanon ang tandem nila Wilbert Ross ug Bea Binene atol sa ilang mall show sa SM Seaside City Cebu sa niaging adlaw alang sa promosyon sa ilang horror-comedy film nga Pee Mak: The Philippine Adaptation. Gilingaw sa WilBea ang ilang fans pinaagi sa ilang mga pasundayag, tam-is nga panag-uban ug mga higayon sa pakig-interaksiyon sa mga nanan-aw, nga nakadugang sa kahinam alang sa ilang pelikula nga ipasalida na sa mga sinehan sugod karong adlawa , Oktubre 14.
Sa press conference, giangkon sa duha ka bida nga dakong garbo alang kanila nga mahatagan sa oportunidad nga mahimong kabahin sa maong proyekto ug nasayod sila kun unsa ka sikat ang maong horror-comedy film nga unang gidala kaniadto sa Thai stars nga sila Mario Maurer and Davika Hoorne. Ang Cebuano filmmaker nga si Victor Villanueva maoy direktor sa “Pee Mak” nga gidumala sa Studio Viva ug Viva Films .
- Latest
