Streetboys mag-reunion

CEBU, Philippines — Ang pag-produce og mga konsyerto maoy kabisihan karon sa singer nga si  Ogie Alcasid. Usa sa iyang mugnaon mao ang reunion concert sa all-male dance group nga Streetboys nga mahitabo  karong Nobiyembre.Ang  Streetboys kay gilangkoban nila ni Maynard Marcellano, Danilo Barrios, Vhong Navarro, Nicko Manalo, ug Jhong Hilario.

Bag-ong oras

Duna'y bag-ong timeslot  ang programang "Fast Talk with Boy Abunda"  sa  GMA-7.  Sugod karong Lunes , Mayo 27, makita na kini matag alas 4 sa hapon.    Ang replay sa "Voltes V: Legacy" maoy mohulip sa karaang timeslot niini  nga 4:45 sa hapon.

Alang sa ginikanan

Gipahinungod ni  Miss Universe Philippines 2024 Chelsea Manalo ang iyang  titulo ngadto sa iyang mga ginikanan.  Ang kalamposan nga iyang naangkon kay pangandoy gyud sa iyang mga ginikanan. Emosyonal ang beauty queen sa dihang nakita niya nga puwerting lipaya sa iyang ginikanan sa dihang gianunsyo ang iyang pangalan isip mananaog sa maong indigay. 

Donny miduaw sa set sa Lilet Matias

Nag-upload og hulagway  si  Jo Berry sa iyang Instagram account  kun diin katupad niya ang Kapamilya actor nga si Donny Pangilinan.

Base sa post ni Jo, nagpasalamat siya kang Donny sa pagbisita niini sa set  sa Kapuso series  nga  “Lilet Matias: Attorney-At-Law”.

Nikomento si Donny sa post ni Jo  og ,” "Nice meeting you!!!" . Nasayran nga co-star ni Jo sa maong Kapuso series ang inahan ni Donny nga si Maricel Laxa.