PUJs na ‘di nag-consolidate ‘di pa huhulihin – LTFRB
Pero bawi-prangkisa lalarga na
MANILA, Philippines — Hindi muna manghuhuli ang Land Transportation Franchising and Regu latory Board (LTFRB) ngayong May 1 ng mga pampasaherong jeep na hindi nag-consolidate sa itinakdang deadline ng ahensya kahapon, April 30.
Sinabi ni LTFRB Chairman Teofilo Guadiz na padadalhan muna ng LTFRB ng notice o show cause order ang mga operator ng jeep upang maipaliwanag kung bakit hindi maaaring tanggalin ang kanilang franchise.
Anya, makaraan ang 15 araw ay saka lamang hihingin ng LTFRB ang tulong ng LTO at PNP para magsimula ng paghuli sa mga hindi consolidated PUVs.
“Hindi puwede pumasada ang mga hindi nag consolidate dahil lumalabas na sila ay colorum vehicles mula May 1 so second week start na tayo ng apprehension dahil ngayong first week mabilis naman magpadala ng notice sa mga hindi nag-consolidate” sabi ni Guadiz.
Nilinaw din nito na ang consolidation ay first phase pa lamang ng PUV Modernization.
“This year kung ang consolidated vehicle ay roadworthy pa ay papayagan sila na hindi muna mag modernized ng sasakyan pero pagdating ng ika-3 year of the PUV modernization on 2027, ipaa-adopt na namin sa operator na e- modernized ang kanilang sasakyan, kailangan ng palitan ang mga 15 years old na sasakyan pataas,” dagdag ni Guadiz.
Niliwanag din nito na hindi naman kukulangin ang biyahe sa mga ruta kung marami ang hindi nag-consolidate laluna sa Metro Manila dahil marami naman ibang model services sa mga lugar tulad ng bus, vans at motorcycle service.
- Latest
