Pag-ampo sa kabuntagon

O Dios Umari ka aron Pagtabang kanako

Pagdali O Ginoo ug Luwasa Ako (Manguros)

Kahilom ug pagsusi sa tanlag o konsensiya

Akto sa Paghinulsol

O Dios nagabasol ako sa akong mga sala sa tibuok kong kasingkasing, sa akong pagpili sa pagbuhat og dautan ug sa pagdumili sa pagbuhat og maayo, nakasala ako kanimo nga angay kong higugmaon labaw sa tanan.

Nagtapat na ako sa paghimo og penitensiya uban sa imong panabang, sa dili na pagpakasala, ang among manunubos nga si Jesukristo nga nag-antos ug namatay alang kanamo sa iyang ngalan O Dios ko, kaloy-I ako. Amen.

Pag-Ampo ni San Patricio

(Minubo)

Si Kristo Uban kanako

Si Kristo Mag-una Kanako

Si Kristo sa akong Luyo

Si Kristo Sulod Kanako

Si Kristo Nagpailawom alang kanako

Si Kristo Labaw Kanako

Si Kristo Anaa sa akong Tuo

Si Anaa sa akong Wala

Si Kristo uban kanako diha sa akongPaghigda

Si Kristo uban kanako diha sa akong paglingkod

Si Kristo uban sa akong Pagbangon

Si Kristo maanaa kanunay sa mga kasingkasing kanila nga naghunahuna kanako

Si Kristo maanaa sa mga baba kanila nga naghisgot mahitungod kanako

Si Kristo Maanaa sa mga mata nga magsud-ong kanako

Si Kristo Maanaa mga dalunggan nga maminaw kanako.

Anaa sa Ginoo ang kaluwasan

Anaa sa Ginoo ang Kaluwasan

Anaa kang Kristo ang Kaluwasan

Ang Imong Kaluwasan O Ginoo magauban unta kanamo sa kanunay! Amen.

Pagbasa sa Pulong sa Dios/ Pagbasa sa Adlaw

Sulti Ginoo, kay maminaw ang imong Sulugoon

Pag-Ampo alang sa Panalipod

Ginoong Jesus, akong gipangayo kanimo nga Imo untang Panalipdan ang akong Pamilya (Isulti ang mga ngalan sa mga sakop sa imong pamilya) gikan sa bisan unsang balatian, katalagman/aksidente, kadaut ug demalas.

Kun ugaling dunay usa kanamo nabiktima sa bisan unsang tunglo, yamyam, o barang, akong giampo nga kining tanan mawad-an og gahum pinaagi sa Gamhanang Ngalan ni Jesus.

Ug kun ugaling dunay mga dautang mga Espiritu nga gipadala ngari kanamo, pinaagi sa gamhanang Ngalan ni Jesus mawad-an kamo og gahum ug mahimong dili makalihok ngari kanamo.

Mahinginlan kamo ngadto kang Jesus nga maoy magbuot kaninyo segun sa iyang kabubut-on. Ginoong Jesus, ipadala ang imong mga Balaang Anghel aron magbantay ug manalipod kanamong tanan. Amen.

Paghalad sa Kabuntagon

O Jesus pinaagi sa Putli nga Kasingkasing ni Maria nagahalad ako kanimo sa akong mga pag-ampo, mga buhat, mga kalipay ug pag-antos niining adlawa uban sa Santos nga Sakripisyo sa Misa sa tibuok kalibutan.

 Ihalad ko kini alang sa tanang mga tuyo sa imong Mahal nga kasingkasing nga mao ang kaluwasan sa tanang mga tawo, pagbayad sa mga sala ug ang kahiusa sa tanang mga Kristiyanos.

Ihalad ko usab kini alang sa katuyoan sa Santo Papa, sa among Obispo, sa mga kaparian ug sa among banay. (Hilom sa Makadiyot ug ihalad sa kahilom ang katuyoan sa imong pamilya).

Ang tanan among gituboy kanimo O Jesukristo nga buhi ug hari uban sa Amahan ug sa Espiritu Santo, Dios nga usa hangtud sa kahangturan. Amen.

Pamlanadong

Ning panahon karon atong palig-onon ang atong mga pag-ampo sa panalipod alang sa atong mga kabataan ug sa tanan nga sakop sa pamilya tungod kay ang yawa daw mangtas nga nangita og tukbonon.

Ato siyang suklan pinaagi sa atong pagtuo ug pagsalig sa Dios.