'Marites' ang gamiton
Human mohangyo si Ombudsman Samuel Martires nga limitahan lang sa P1 million ang confidential funds sa ilang buhatan, namahayag usab siya nga adto na lang sila mokuha og mga inpormasyon gikan sa mga marites ug mga tolits sa ila unyang pagpursige sa mga kaso sa kurapsyon. Dugang pa ni Ombudsman Martires, daghan ang impormasyon nga iyang nakutlo gikan sa maong mga informal nga tinubdan, ug kinahanglan lang i-validate. Posible diay nga daghan g mapriso tungod lang sa libak ug tsismis. Tinuod ang panultihon nga ang Walay moangkon nga ganahan siya sa mga libak ug tsismis, apan ang tanan malingaw nga maminaw niini. Madahaan!
Fake news sa bagyo
Gipasidan-an sa PAGASA-Visayas ang katawhan nga dili gilayon motoo sa mga fake news nga mikatap sa social media nga nag-ingon nga adunay kusog nga bagyo nga moabot sa Cebu karong semanaha dungan ang pag-awhag sa pagpaminaw lang sa mga lehitimo ng tinubdan kabahin sa lakat sa panahon. Tungod sa kasinatian sa Bagyo ng Odette, dali na mahingawa ug mabalaka ang katawhan kon makadungog og balita kabahin sa bagyo. Apan dili usab maayo nga magpasagad og pakatap og balita bisan walay kamatuoran. Angay magmabinantayon kay ginaingon baya nga Ang sayop nga kahibalo, mas makadaut pa kay sa kakulang sa kahibalo. Muleeng!
Unya na mag- exchange gift
Giproponer ni Sen. Francis Escudero ngadto sa Department of Migrant Workers nga molagda kini g mga kasabotan sa ubang nasud nga magtugot sa mga binilanggo nga mga Pinoy didto nga moserbisyo sa ilang prison term dinhi sa Pilipinas. Kinahanglan tingale tun-an pag-ayo kining maong proposal kay sa kahimtang sa atong mga prisohan karon, nga overcrowded, hugaw ug dili maayo ang rasyon sa pagkaon, basin mas palabihon na lang sa mga binilanggo ng Pinoy ang mapriso sa laing nasud. Ayohon una nato ang pagpagpadagan ug pag-atiman sa atong mga bilanggoan una kita mag- exchanging gift sa atong mga binilanggo. Fezteleern!
Igo lang sa panghupaw
Segun sa Department of Budget and Management, modawat na ang mga kwalipikadong empleyado sa gobiyerno sa ilang year-end bonus sugod karong Nobyembre 15. Nagkantidad og balor usa ka buwan nga sweldo ang year-end bonus. Gihangop kaayo kining maong kalamboan sa daghang empleyado kay aduna na ma y magamit alang sa kapaskohan. Apan sa uban, wala na y kapuslanan kay gisikop na man ang bonus sa ilang gipang-utangan. Ang uban usab, igo lang sa pagpanghupaw human makaamgo nga wala diay silay labot sa bonus kay dili man diay sila empleyado sa gobyerno. Saoonz!
Sayop ang pag-suborno
Gipasidunggan sa Department of Transportation ang usa ka enforcer tungod sa pagmakuli niini pagdawat sa suborno gikan sa motorista nga nadakpan tungod sa traffic violation. Sa bahin sa violator, midako na hinuon ang multa nga gipahamtang kaniya. Talagsaon ang hiyas nga gipakita sa enforcer busa angayan pasidunggan. Kon ang tanan magmatinud-anon lang sa ilang katungdanan, hayan motunhay ang kahimtang sa kadalanan. Apan usahay sa atong katilingban, haum ang panultihon nga, Kon mohatag ka g suborno ngadto sa sayop nga tawo, segurado nga ikaw makalabuso. Pagkatoytoy!
- Latest