Natural nga seks aprodisyak (2)

Kining natural nga seks aprodisyak, matud sa nakasulay niini, kon maoy kanunay nga imnon, dili gayud kapugngan nga tagbawon ang pagseks, sa babaye o lalake man, maugtas gyud pagtugkad sa kinalaliman. Igo lang mopahulay kadiyot kay gusto pa morebansen kay may nahibilin pa nga tibawason nga makalipay.

Dugay na kini gihikyad sa panahon, apan wala lang kaayo kini matagad, nga sa niadtong nakasulay na niini, walay ikasulti gawas lang sa kahimuot ug pagdayeg. Ang sekreto niini, anaa sa kaepektibo sa pasas (raisins), nga nagbaton og ‘arginine’ nga usa ka esensyal nga nutrens aron padaghanon ang prodaksyon sa bihod nga maoy mopagana nga mabuhi ang kaugatang responsable sa gahum o enerhiya sa seksuwal nga paglahutay.

Kini nga resipe nga pampagana sa seks, makapasaka sab sa purohan nga momabdos ang mga babaye, kay pulos na abunda sa kalidad sa mga bihod (spermcells) ang magtiayon, ug usab nisulbong ang dili matukib nga enerhiya nga ganado ang lawas ug hunahuna, nga madasigon sa pakigbisog.

Nga ang original nga resipe niini, nagagikan pa sa India nga gigamit sa paggalam sa babaye nga gusto magkaanak, nga kinahanglan magtiayon magdungan sa pag-inom niini. Ang ingrediyentes nga naglangkob sa seks aprodisyak resipe mao kining mga mosunod;

Pasas (raisins) – ang 30 ka gramos niini, kinahanglan mahugasan og maayo ug unya lutoon kini sa porcelana, o enamel nga sudlanan. Inighuman, idugang ang 200ml nga gatas, dayon sa katapusan, baliburi og diyotay nga ‘saffron powder’ nga usa ka panglamas.

Sa pagsugod, imna ang tanan katulo ka higayon sa adlaw, nga sa sunod pagluto dugangi na og 50 ka gramos nga pasas.