Aron motin-aw ang panungog (2)

Kini aron sa pagpahiuli sa normal nga abilidad sa atong panungog ug pagmenos sa risgo mahitungod niining problemaha.

Ang nakaayo niini mao ang kaepektibo nga nasulayan na. Bisan sa mga nag-edad og 80 – 90 anyos, aduna pa’y purohan nga motin-aw ang ilang mga panungog.

Gikonsiderar kini sa kadaghanan nga 97% nga perpekto kining resipe sa kombinasyon sa natural nga ingrediyentes.

Simple ra kini ug sayon ang pagpreparar, nga sagad anaa ra sa kusina, ang mga kinahanglanon niini. Sama sa ahos, giisip nga kinahimsogan nga pagkaon kini sa atong planeta. Halos gigamit ni nga panglamas sa mga potahe.

Gawas niini, gigamit sab kini sa pag-alibyo sa mga kakulian sa lawas, gumikan sa potensyal nga katakus niini sa pag-alibyo, isip natural nga medisina.

Ania kon unsaon paggamit sa ahos aron maulian nga motin-aw pagbalik ang panungog.

Mga ingrediyentes ug mga kinahanglanon: Tulo ka lusok nga ahos, ug olive oil.

Dayon, gapas ug dropper, nga gamiton sa pagpasuyop, ug magamit sa pagpatulo.

Ang preparasyon:  Una, panitan ang ahos, hugasan kini pag-ayo, dayon pigsaton nga kuhaon ang duga niini. Unya, isagol kini sa igong gidaghanon sa olive oil nga kutawon pag-ayo.

Inighuman, ipasuyop paghinay sa dropper, ug patud-an ang dalunggan og 3-4 ka tulo. Isiguro nga nakaabot ang duga sa ilawom, sa gitawag og eardrum. Dayon, pataudtauri una’g kadiyot ug ikiling ang dalunggan nga igong makatuhop. Sungsongan og gapas para dili kagawas ang gipatulo nga duga sa ahos ug olive oil. Buhata ni kausa sa adlaw.

Makasinati ka og kausaban sa imong panungog paglabay sa pipila ka adlaw. Pasagdan nga dili sigehan og kulitog kay mabuslot, o mokaging ang tisyu sa eardrum.