Sa kutsarita makita ang imong kondisyon
Nasayod na kitang tanan kon unsa kamahinungdanon ang kanunay nga pagmonitor sa kondisyon sa atong panglawas. Apan dakong kamatuoran sab nga pipila lang ang naghimo’g sistema aron masusi o matsek-ap ang ilang lawas, nga sagad kanila, modayon lang og panghupaw nga moingon, ”kon dili ka lang makasakit nako, ngano moadto man ko’g doktor?”.
Aw, hinuon kon kauban ka niining grupoha, makaayo nimo kini nga usa ka simple nga paagi, o ‘trick’, nga magtug-an sa kahimtang sa panglawas mo. Ang unsay angay nga buhaton, mao na lang ang problemahon ang pag-alibyo niini. Ania, walay mawala nato kon sulayan kini, sama sa mga mosunod;
Magkuha og kutsarita nga ugomon kadiyot ang pala niini. Dayon, kahiga ang ibabaw sa dila. Inighuman, ang kutsarita isulod sa tin-aw o sihag nga plastic bag. Dayon, iplastar ni nga nakabantang sa kahayag sa adlaw o kaha sa lamparahan sa lamesa. Unya pasagdi kini sulod sa usa ka minuto, ug obserbahe ang kutsarita ug ang gisudlan nga plastik.
Kon wala kay makita nga lama o hugaw o nasingo nga lain og baho nga namilit sa kutsarita o sa plastic, nagpasabot nga maayo ang kondisyon sa panglawas mo.
Apan kon dunay namilit o napanimahoan nga dili maayo, nagpasabot nga may sakit ka.
Dunay problema sa baga o sa tiyan. Kon nakatimaho ka og makalisngag nga baho. Kadtong may problema sa diabetes, mailhan kay tam-ison og baho. Problema sa kidney kon ang baho sama sa ‘ammonia’.
Kon duna kay makita nga lama o depositong namilit, nga ang kolor; Yellow - nagpasabot nga wala motrabaho ang ‘thyroid gland’ Purple taas og kolesterol, bronchitis, hinay ang sirkulasyon.
Puti — impeksyons sa respiratory ug kon * Orange ang kolor – mga problema kini sa kidney.
- Latest