Kabulahanan
ENERO 29, 2017: Ikaupat nga Domingo sulod sa tuig
Mga Pagbasa: Zep. 2;3;3-12-13/Sal. 146/1 Cor. 1;26-31/Mt. 5;1-12a
Giingnan ko sa usa sa akong higala: "Bulahan ka kay nahiagi ka sa kalisud kay imo kining kahigayonan sa Paglambo!" Daw sa nasud-ipan ko sa iyang gipanulti. Tingali sa tawhanong panlantaw lisud kaayo i-reconcile ang kalisdanan ingon nga kabulahanan. Kini ang kahulogan sa kabulahanan diha sa panghunahuna sa atong Ginoo ug lisud kaayo ning sabton natong mga tawo. Apan ang tinud-anay nga kahulogan sa pagkabulahan nagasukad sa atong panlantaw sa tanang mga butang pinasikad sa panghunahuna nga iya ni Cristo. Dili kini pag-spiritualize hinunoa paagi kini sa pag-angkon nga ang Ginoo diha sa kinabuhing tawhanon molihok labina sa mga panahon sa kalisdanan.
- Latest
