13th month pay sa mga katabang
Dear Atty. Divine,
Usa ako ka katabang sa panimalay ug kapin sa tuig na ko nga nagtrabaho sa akong amo, apan wala man ko hatagi og 13th Month Pay o bonus sa akong employer niadtong pasko. Ang akong pangutana nimo attorney, kun apil ba ang mga domestic helper nga angay’ng makadawat og 13th month pay?
Unsa man ang angay nakong buhaton kun pananglitan dili gyud mohatag og 13th month pay ang akong employer? Daghan kaayong salamat. — Lea
Dear Lea,
Base sa Implementing Rules and Regulations (IRR) sa Kasambahay Law, ang mga domestic helper entitled og 13th month pay nga equivalent og usa ka buwan nga suweldo. Ang 13th month pay nimo angay’ng ihatag sa imong amo niadto pa’ng Disyembre 24. Kun wa ka mahatagi og 13th month pay, mas maayo nga imo kining pangayuon sa imong amo ug kun dili gyud siya mohatag, mahimo ka nga mopasaka og reklamo batok sa imong employer adto sa Department of Labor and Employment (DOLE). Thanks and Happy New Year! - Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
