Gusto nga magbaylo og lote

Dear Atty. Divine,

Duna koy yuta nga napalit sa usa ka subdivision ug ako kini karon nga gitukuran og balay. Ang akong igsuon mipalit sab og lot nga tupad sa akong yuta.

Pagkahuman sa akong balay mireklamo ang akong igsuon kay ang iyang view natabunan man sa akong firewall. Tungod niini, mipalit ko og laing yuta sa maong subdivision aron magbaylo na lang mi sa akong igsuon.

Akong ihatag niya ang laing yuta nga akong napalit isip baylo sa iyang yuta nga nahimutang duol sa akong balay. Na fully-paid na namo ang maong mga lote apan wa pa mabalhin ang title niini ngadto sa among pangalan.

Ang akong pangutana unsay among buhaton aron mahimo ang among gitinguha nga landswap? Kami ba ang angay nga mo-process sa pag-transfer sa title or ang kompaniya nga among gipalitan? Daghang salamat. — Nena

Dear Nena,

Kun wa pa mabalhin sa inyong tagsa-tagsa ka pangalan ang yuta nga subject sa landswap, then mopahibawo mo sa kompaniya labot sa inyong plano nga magbaylo og lote aron ilang maandam ang Transfer of Rights nga inyong pirmahan alang sa tinguha nga landswap.

Samtang kalabot sa pag-process sa Transfer sa Title ug Tax Declaration ngadto sa inyong pangalan, mahimo nga ang company nga inyong gipalitan ang pahimuon niini apan mas dugay lang ang ilang proseso kay ila man nga dunganon ang tanan nga ilang i-transfer so mas maayo nga kamo na lang ang mo-process or mokuha kamo og abogado nga mo-assist sa pag-process sa transfer niini. Thanks and God bless. —Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.