^

PSN Opinyon

EDITORIAL - May supervening event ba? O wa

- Wen Celen - The Philippine Star

Maayong klarohon kining isyuha, kay sa miaging buwan ra ba giingon to nga ang tanang sakop sa Regional Tripartite Wages and Productivity Board (RTWPB) nagkahiusa sa pagmatuod nga may supervening event o mga mahinungdanong butang nga makapatukmod aron kaumentohan ang suhol sa mga mamumuo sa pribadong sektor. Di maayong mamakak ang mga piniyalan sa gobiyerno ngadto sa katawhan kay ang RTWPB maoy baba ug mata sa Malacañang pagtan-aw sa suholan sa mga pribadong mga empleyado sa nasud. Pipila sa naglangkob sa hunta sa RTWPB mao ang mga representante sa pamuo, (labor) tagdumala (management) DOLE, DTI, NEDA, ug DOE, ambot ug unsa pa tong ubang ahensya nga kauban niini.

Nagtuo ang publiko nga sa pagbaniog sa balita nga may supervening condition na nga nasil-ingan ang taga DTI, DOE, ug NEDA, nganong sa maong higayon wa man mokisi-kisi ang taga management.

Karon pa man hinuon nga na-kondisyon na ang hunahuna sa kaliboan ka mga trabahante sa mga pribadong sektor ug naghinam-hinam nga nagpaabot nga makatagamtam sila og umento sa suhol.

Kay sa pag-ingon sa RTWPB nga aduna nay igong hinungdan nga mahimo nang kaumentohan ang suweldo sa mga mamumuong pribado tungod sa presensya sa mga supervening condition, puwerting tuoha sa katawhan. Usa sa tataw na kaayo nga angay nang momandar og umento sa suholan ang RTWPB dinhi, mao pagkatangkod na nga usa ka tuig karong Septembre sa kasamtangang umento sa suhol nga nakapahimo niining minimum wage niining tuiga. Apan naunsa ba nga mihiwasa man ang management ug maoy mihimakak sa giingong supervening event. Tayem pa kinsa man tong midiskobre sa mga supervening condition di ba ang DTI nga maoy naniid sa lihok sa presyo sa mga palitonon nga gitawag basic commodities, ang DOE sa presyo sa asayte, ang NEDA sa proyekto sa kagamhanan ug uban pa.

Unya ang management unsa may ikapamatuod niini nga di eksistido ang mga supervening condition nga gibutyag sa DTI, DOE, ug NEDA. Klaroha na ninyo oi, aron di maglibog ang publiko ug di mawad-an og pagsalig sa katakus sa maong ahensya.

APAN

KARON

KLAROHA

MAAYONG

MALACA

NAGTUO

REGIONAL TRIPARTITE WAGES AND PRODUCTIVITY BOARD

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with