Ning panahuna, gisayun-sayunan ra ang tawo nga mohunos sa ilang kinabuhi. Gamay lang nga problema sa kinabuhi mo-suicide dayon. Dili na mangita og solusyon sa ilang problema.
* * *
Ambot kun duna ba tay balaud nga mosilot sa mga mohikog. No, dili ngadto sa mga nangatiwas kundili ngadto sa mga nisuway og hikog apan nabuhi.
* * *
Dihay balita bahin sa usa ka 15-anyos nga dalagita kinsa miinom og hilo kay ang iyang 15-anyos usab nga hinigugma nakakita og laing hinigugma. Wala mamatay si Inday apan nabuktot sa gasto ang iyang inahan (single mother kini) sa ospital.
* * *
Nabuhi kinbi si dalagita apan namatay iyang mama tungod sa kaguol ... Kaguol kun asa siya mangitag kuwarta nga ibayad sa ospital ug sa botika nga giutangan niini og tambal alang sa anak.
* * *
Didto sa Negros gikataho nga usa ka mananggiti miambak sa lubi nga iyang gisanggutan dihang hikit-an niya sa ubos ang iyang asawa nga nagkomedyahay og ang ilang kumpare. “Wa goy malisya,” matud pa sa tinubdan sa balita. Dihadiha niambak si mister mananggiti ug naimpas. Nalibre na hinuon og panagkomedyahay si kumpare ug si misis.
* * *
Diha say mga desperado tang kaigsuonan nga mipatay sa ilang kaugalingon gumikan sa gamay rang hinungdan sama sa utang nga wa kabayri ... pinirenda nga alahas nga gipanag-iya sa laing tawo ... gibiyaan og uyab ... etc.
* * *
TRIVIA. Daghan salamat sa atong mga higala nga mi-greet kanato atol sa ika-18 ka tuig nga anibersaryo ning Banat News.