Mag-ampo lang ta

RENBOR PATROL - Rene U. Borromeo () - May 9, 2012 - 12:00am

Lisud kaayo ang kahimtang sa mga pamilya nga nagpuyo sa yuta nga giangkon ni Mariano Godinez.

Bisan pa og ibutang nato nga si Godinez mosugot nga ibaligya ang yuta ngadto sa dakbayan sa Sugbo aron papuy-an sa hingtungdang mga pamilya, ug bayran lang nila sa anam-anam nga paagi maglisud sila pagbayad tungod sa kamahal sa kantidad sa yuta.

Tiaw mo nga basi sa akong nahibaw-an moabut na man og P20,000 ang matag metro-kwadrado sa yuta diha sa Sitio San Miguel, Apas. Kining maong kantidad dili na kini haum sa gitawag og “urban poor.”

Makalolooy gayud ang kahimtang sa 168 ka pamilya. Maayo unta og si Godinez motabang pinaagi sa pagpangita og dapit nga kabalhinan sa maong mga pamilya aron magmalinawon ang demolisyon sa kabalayan.

Nakasabot ko sa kaguol nga gibati karon sa mga hingtungdang lumulopyo nga walay maayong kinatulgan nga naghuna-huna sa ilang kahimtang. Ampo lang ta ngadto ni Santo Niño nga may sulbad pa sa inyong kaso.

Unsaon, ang Office of the Solicitor General giawhag man unta ni Kongresista Tommy Osmeña aron motabang, apan ang tinguha niini nga moapil sa pagtabang sa hingtungdang lumulopyo gisalikway man sa korte.

Ubos gud sa balaud kinahanglan pa man nga mangayo og pagtugot ang bisan kinsa nga moapil sa kaso kun dili siya kabahin niini.

* * *

Sigurado ko nga daghang pamilya diha kilid sa kanhi Lahug Airport nga makasugat og susama nga isyu sa umaabot nga katuigan.

 Kaniadto gud, ang yuta nga gigamit nga runway sa Lahug Airport gipanag-iya man sa lainlaing tawo dihang gipalit kini sa kagamhanan sa barato ra nga presyo.

Usa sa kondisyon sa gobyerno kaniadto aron mosugot ang mga tag-iya nga paliton kini sa kagamhanan mao nga kun dili na gamiton sa airport, mahimo kini nga paliton pagbalik sa tag-iya og ang presyo kun pila’y pagpalit mao usab ang ilang ibayad.

Unya duna may mga abtik kaayo nga mga tawo nga abi kay daku man nga luna nga wala na gamita sa airport nga gibalhin na didto sa Lapulapu City, giugbokan nila kini og balay.

Daghang kaso nga nabasahan nako sa Supreme Court nga gitugot nga ang maong yuta mapalit pagbalik sa kabanayan sa mga tag-iya kaniadto. Sa ato pa, kun ang yuta gipuy-an na karon sa mga urban poor, mapalayas na usab sila.

* * *

Uy, pangumustahon diay nako ang mga higala nako sa Department of Engineering and Public Works (DEPW) kun ngano nga hangtud karon wala pa may napahigayon nga dredging diha sa Estero Parian.

Higayon na unta karon kay wala nay uwan ug mihari ang grabeng kainit, apan mora’g wala man ko makakita nga milihok ang kontraktor nga ilang gikuha. Palihug City Engineer Kenneth Enriquez, atimana tawon Ma’am kining problema sa mabaw na kaayong sapa sa downtown area.

Nagpakabana ko niini kay nasayud man gud ko nga kini maoy usa sa makapalunop sa downtown area kun adunay kusog nga uwan.

* * *

Daygon nako ang administrasyon ni Mayor Mike Rama sa pag-atiman niya sa mga karsada dinhi sa dakbayan. Kamong mga makakita og bati nga karsada nga naputos sa mga libaong, i-report ninyo sa opisina sa mayor.

Kini aron mahatagan dayon og pag-atiman sa mga kawani sa DEPW.

DEPARTMENT OF ENGINEERING AND PUBLIC WORKS ESTERO PARIAN GODINEZ KINI KONGRESISTA TOMMY OSME LAHUG AIRPORT LAPULAPU CITY MAN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with