Made in China angtanan kong butang

Naay usa ka honorable congressman nga gustong iboykot nato ang mga Made in China nga produkto ug ato nga ihiklin ang butang nga ato nang gigamit karon.

* * *

Kini isip pagprotesta sa pag-bully kon pagdaug-daug sa China sa atong gamay’ng nasud nga Pilipinas.

* * *

Ako naglagot niining pag-bully kanato sa usa ka higanteng nasud apan maglisud ko sa paghiklin sa mga butang Made In China nga ako nang gigamit karon.

* * *

Kun ako kining buhaton mawad-an ako sa mga importanteng butang nga akong gigamit sa adlaw’ng tanan. Ang akong polo pulos Made in China, mao sab ang akong karsones, hasta pa gani ang akong briefs, sapatos, medyas, etc.

* * *

Ang selpon ko Made in China sab. Ang charger sa selpon hinimo sad sa China. Ang frame sa akong antiyohos Made in China sad. Ug ang akong tv hinimo gihapon sa Insik.

* * *

Busa bisan pa mangagot kita sa kalagot sa China tungod sa pag-bully niini kanato wa kitay mahimo. Mangusog man ta mokatawa lang ang Insik ug mahayblad pa kita’g samot.

* * *

Busa ipadayon nalang nato ang status quo. Total, nailog naman nato ang South China Sea nga giangkon sa mga Insik. Wa na ang South China Sea ... West Philippine Sea na ron. Haha.

* * *

TRIVIA -- Komusta diha sa atong mga higala sa Santa Rosa, Olango, Lapulapu City. Salamat sa inyong nagpadayong suporta.