Mayor Lim dili mamalit og condom

Miingon si Mayor Alfredo Lim sa Manila, nga kun hatagan siyag kwarta gikan sa RH bill kun mahimo na kining balaud, dili kini niya ipamalit og condom ug ubang mga contraceptives, kondili, iya kining gamiton pag-edukar sa taga-Manila bahin sa reproductive health care.

Dili kuno siya manghilabot sa mga religious beliefs sa iyang mga konstituwente. Iyang hatagan og hingpit nga kagawasan pagpili ang taga-Manila, pagtuman sa diktar sa tagsatagsa nila ka relihiyon. Dili siya mamugos.

Matud niya, kun kalipay sa usa ka magtiayon nga duhay anak, ila kining desisyon; ug kun kalipay nga manganak og usa ka docena, dili kini niya prisohon. Alang kang Lim, dili priority ang pagpamalit og mga condom.

Kun ipugos man sa kagamhanan ni Noynoy ang pagpamalit og condom ug mga contraceptives aron makontrolar ang pagdaghan sa mga Pinoy, mo-apply kog delearship sa condom, o diba , kun dunay makig-kumboya nako, mag-manufacturer gyud sa condom. Siyarog di ko ma-dato’.

* * *

GAY PAGEANT NO MORE. Wala nay Miss Gay-Lapu-lapu City karong tuiga pagsaulog sa Fiesta sa Mahal nga Birhen sa Regla. Kini matud ni Tourism Chair Damian Gomez, kinsa mi-explain nga they have nothing against homosexuals. Perhaps, ang maayo mao ang paghimog laing fiesta, if only to accommodate them. Mahimo idungan sa Kadaugan sa Mactan, aron mag-uban sila ni Lapulapu.

* * *

CEBU PORTS AUTHORITY. Congratulations sa mga bag-ong commissioner sa Cebu Ports Authority (CPA), ilabina kang Vic Suazo, Jr., former Maritime Industry Authority administrator. Believe ko sa “holding power” ni Vic. Bisag asa na lang siya ma-assign, hangtud karon, anaa gihapon siya gahom.

Siya ang nagsubo sa Philippine Ports Authority (PPA), dungan-dungan mi sa Department of Public Information (DPI) sa mga 1972 o ‘73 ba kadto; ug dugay na kong na-waa sa gobiyerno, apan si Vic naa lang gihapon. Ang ako lang konsuylo kay amigo gihapon mi, nakaila gihapon siya nako.

Laing mga commissioner, sila si Benjamin Akol, Arturo Barrit, Joselito Quedaria, Carlos Co ug Dennis Villamor.

Kanus-a kaha ko matultoli ni Noynoy no ? 

* * *

JOHN REY SAAVDERA. Laing taga-media nga milansar, atong kauban sa Banat News, sila si John Rey Saavedra, ug Gerry Auxillo. Matud nila, buot lang silang makatampo paghatag og mga kaayohan sa ilang barangay. Nakadungog sad ko nga lakip si Sam Costanilla milansar pagka-Konsehal. Atong panghinaut sa ilang kadaugan.