Nagkatuwagi ang mga legal opinion kon unsay mahitabo kon molansar gyud si Presidente Arroyo pagka-Kongresista o pagka-Bise Presidente, sumala sa mga sugyot sa iyang mga alalay, kinsa di gustong manaug si Gloria sa gahum.
Of course, walay balaud nga nagdili sa incumbent President paglansar pagka-Senador, pagka-Representante, pagka-Gobernador, pagka-Mayor, bisan pagka-Barangay Captain. Magpili lang ang Presidente kon unsay daganan, ug walay magdili kaniya.
Samtang adunay moingon nga kinahanglan mo-resign, ang uban moingon usab nga di kinahanglan mo-resign. Kon mo-resign, dakung vaccum ang mahitabo sa panggobyerno. Apan, kon di mo-resign, kinsa may mangahas pagpakig-atbang sa incumbent President kon molansar pagka-Representante o pagka-Gobernador?
Apan, nganong molansar man gyud? Kon molansar man, tingali una kining hitabo sa tibuok kalibutan nga usa ka head of state, molansar sa ubos nga posisyon, sa hinungdan nga siya ra ang nasayod kon ngano.
Anyway, kon molansar man pagka-Bise Presidente, sumala sa sugyot sa Kongresista nga maoy mibayad sa ilang pagkaon sa New York, unya, iyang mapilde si Senador Mar Roxas, ug ang mudaog pagka-Presidente si Erap .. mag-uban na usab si Erap ug Gloria sa Malacanang.
Kataw-anan no? Apan, dunay purohan nga maoy mahitabo. Kay walay magbuot sa history to repeat itself, no matter how recent.
Niining maong talan-awon, kinahanglan ang mudaog pagka-Presidente, ang ka-partido ni Gloria, otherwise, mag-unsa man ang iyang pagka-Congresswoman, kon iyang kaatbang sa politika ang Presidente?
Sa ato pa, kon molansar man si Gloria ug seguro mang mudaog, kinahanglan mudaog usab si Gibo. Ug kinahanglan iya gihapon ang mga Representante ug mga Senador, aron mahimo siyang Speaker of the House.
Ug kon mag-Parliament si President Gibo Teodoro, seguro nang ma-Prime Minister si Congresswoman Gloria Macapagal Arroyo. Ambut duna pay limitation ang term sa Prime Minister.
Hayahaya no? Mao ba ni ang ilang mga laraw … o bunga lang ni sa akong wild imagination ? But remember, in Philippine politics, anything can happen! Di ba Dro?