Nanguwarta?

Ang naggamit sa cell. no. 0906-7541750 mi-text nako aron pagtaho sa binuhatan sa usa ka tanod sa Ermita nga iyang gipasanginlan nga nanguwarta sa mga vendor sa merkado sa Carbon.

Sa iyang text nako niadtong Mayo 24, 2008 (Sent: 09:57:10am), nag-ingon ang atong texter nga magsige gyod og pangayog kuwarta ang maong tanod ngadto sa mga vendor. Masuko ra ba kuno kini kun dili hatagan og kuwarta sa mga vendor nga iyang pangayoan.

Ngilngiga, no? Gipanundog man sa maong tanod ang mga vendor sa Carbon nga iyang mga saop! Nganong mangayo man siyag kuwarta sa mga vendor? Siya'y nagpuhonan nila? Kahilas god kun tinuod man!

Labing maayo nga madisiplina sa kapitan sa Ermita kining iyang tanod nga nagpakaulaw ug nag-abuso sa katungdanan!

* * *

"Good day. Tinuod nga naay daghang pushers sa drugs ug drug users diri sa Jagobiao, Mandaue City. Taga diri pod ko sa Jagobiao ug ako nasayod nga naay drug pushers ug drug users diri sa sitio San Antonio. Mao ra ni nga street sa sitio Sto. Rosario. Daw way kahadlok ang mga mamaligyaay og drugas. Mora gyod og namaligya og isda kay daghang makakita nila. Daw proud pa sila." -- 0906-5024817 (Sent: 12:00:09pm--May 24, 2008)

Sa walay pag-sensationalize, makaingon tang alarming ang sitwasyon sa pamaligyag drugas diha sa Jagobiao kun maoy atong tuohan ang bersiyon sa atong texter. Tiaw bang mora naman og hawod ang mga drug pusher!

Angay ning subayon sa proper authorities, labina sa atong law enforcement agencies ug sa mga opisyal mismo sa brgy. Jagobiao.

* * *

"Taga Lapulapu ko ug nagtrabaho sa usa ka water refilling station. Ang akong suweldo kay P120 ra. Tuig na ko kapin diri pero wala gyoy umento ang suweldo. Unsa man ang angay kong buhaton?" -- 0910-8394363 (Sent: 03:00:36pm--May 24, 2008)

Dangop sa buhatan sa labor ug isang-at ang reklamo nga underpayment of wages. Sa Metro Cebu, P250 ngadto sa P267 na ang minimum nga suweldo karon.

(Sumbong ug reklamo? Text sa 0910-8105522).