NFA rice
Daghan ang nahisagmuyo ug nagbagulbol kay luyo sa panghambog nga abunda pa ang suplay sa bugas sa atong nasud ilabi na ang NFA rice, daghan mang mga dapit sa atong kapupud-an diin wala nay mapalit nga ingong matang sa bugas. Kun duna man, dili na P16 o P18 ang presyo sa matag kilo kundili kapin na sa P20 o sibo sa commercial rice. Tungod niini, daghan ang nagduda nga gipangtagoan ang NFA rice maong dili kini makita sa ubang mga tindahan nga nagbaligya unta niining maong bugas.
Usa ka dakong negosyante ug retailer og bugas nga nagbase sa usa sa mga lungsod sa sidlakang
Sumala sa pangangkon sa maong negosyante, ang maong sinakong NFA rice i-remill ug unya isulod sa sako sa commercial rice dayon ibaligya sa mas mahal nga presyo. Dili ko gustong motuo sa gibutyag sa maong negosyante kanako. Pero kun tinuod man ang iyang gibutyag, makapahisagmuyo kini sa daghang mga kunsomidor.
* * *
Sa laing bahin: “Good day, Sir. Diri sa Opon, Lapu-Lapu City Public Market daghan kaayong mga rugby boys nga magsuroy nga nagsuyop pa. Dayag ang ilang pagsuyop bisan naay police station sa duol. Gipasagdan ra sab ni sila sa mga polis nga magsigeg pangawat ug pabadlong diri sa merkado.” -- 0910-2806378 (Sent:
Kun tinuod ang pangangkon sa atong texter nga dayag kaayo ang pagsuyop o hingos og rugby sa mga rugby boys diha sa merkado sa Opon, imposibleng wala kini makita sa mga polis. Nakakita man gani ang mga ordinaryong tawo, sila pa kaha nga mao gyoy ilang trabaho ang paghikutar sa sama niini nga butang? Grabe na man sab.
Pero in fairness ngadto sa kapolisan sa Opon, tugotan ta nga wala pa makaabot sa ilang kasayoran nga may mga rugby boys diha sa merkado sa Opon nga nakapuwerhisyo sa mga tawo kay mangawat. Ug karon nga nahiabot kining maong kasayoran dinhi sa atong lindog, hinaot nga makaabot na usab kini sa ilang buhatan ug ila kining maaksiyonan.
(Sumbong ug reklamo? Text sa 0910-8105522).
- Latest
- Trending
