Suspenso
AMBOT LANG - AMBOT LANG Ni Gerry Auxilio () - April 5, 2007 - 12:00am
Hingpit nang napatuman sa Department of Interior and Local Government kon DILG 7 ang kamandoan sa buhatan sa Ombudsman nga nagpaubos nila ni LapuLapu City Mayor Arturo Radaza ug Teddy Ouano sa Mandaue City sa unom ka buwan nga preventive suspension.

Alang sa kasayoran sa tanan, ang preventive suspension dili silot busa dili pa angayan nga magmaya ang katawhan mahitungod niini kana gumikan kay layo ug taas pa kaayo ang latasonon niining maong kaso aron mapahamtangan og silot sa salaod nga ilang nahimo ang duha ka mga mayor ug ang lain pang mga opisyal sa Lapu-Lapu, Mandaue City ug ang mga tag-as nga opisyal sa Department of Public Works and Highways. Seguro mahuman nalang ang termino sa mosunod nga mga mayor ning duha ka mga dakbayan dili pa gihapon mahuman kining mga kasong giatubang nila ni Ouano ug Radaza.

Ang preventive suspension usa kini ka bahin sa atong prosisong legal nga diin ang mga nag-atubang og kaso suspinsohon sa ilang katungdanan aron dili kini makapanghilabot sa mga ebidencia nga posibling magamit batok kaniya o ba kaha maka influencia sa huwes sa kaso nga giatubang.

Kay napatuman naman ang preventive suspension order batok sa duha ka mayor, dinhi makasugod na usab sila sa pagpanalipod sa ilang kaugalingon mahitungod sa mga pasangil nga gibato ngadto kanila. Dinhing puntoha kinahanglan masunod ang gitawag nga due process of law.
* * *
Karong adlawa Huwebes santo, hinaot pa unta nga maghinolsol na sa ilang mga kasal-anan kadtong mga igsoon nato nga nagpabadlong sa atong katilingban. Makaamgo na unta sila kon unsa ka dako ang kadaot nga ilang natampo sa atong nasud, Amen.
* * *
Ako ug ang tibook nakong pamilya mopahalipay diay sa akong kompare ug kauban sa buhat nga bag-o lang nga naabogado si Atty. Ruphil Fernandez Bañoc. Usa siya sa mga nakapasar sa 2006 Bar Examination nga gipagawas sa Korte Suprema kaniadtong Martes sa gabii. Pahalipayan usab nako ang uban pang nakapasar sa nahisgutang examination.

BAR EXAMINATION CITY MAYOR ARTURO RADAZA DEPARTMENT OF INTERIOR AND LOCAL GOVERNMENT DEPARTMENT OF PUBLIC WORKS AND HIGHWAYS KORTE SUPREMA MANDAUE CITY
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with