Extra-judicial killings
AMBOT LANG - AMBOT LANG Ni Gerry Auxilio () - March 29, 2007 - 12:00am
Gumikan sa kadaghan nang kaso sa patay dinhi sa nasud nga wa mahatagi og kasulbaran sa atong kapulisan nanghilabot na ang laing kanasuran sa atong suliran. Bisan man tood og giumol na ni Presidente Gloria Macapagal Arroyo ang Melo Commission aron maoy motan-aw sa mga patay nga nagapanghitabo, sa gihapon nagpadayon ang pagpatay sa mga sakop sa media ug sa mga tawong kritiko sa kagamhanang Arroyo. Tungod niini miabot dinhi sa Pilipinas si Philip Alston nga gipadala sa United Nations aron pagsusi sa sunod-sunod nga pagpamatay. Gisundan usab siya sa mga sakop sa Senado sa Amerika nga nagsusi gihapon sa mga kaso sa extra-judicial killings dinhi sa nasud. Ang Permanent Peoples Tribunal sa the Netherlands mihimo usab sa ilang imbestigasyon ug sa pagka karon umaabot usab ang mga sinugo sa European Union aron sa pagsusi sa mao gihapong suliran.

Usa ka pagpanghilabot sa kagawasnon sa atong nasud ang gihimong pakisusi sa mga langyaw sa internal natong suliran. Usa ka tamparos sa atong integridad ug kagawasan ang gihimong pagpanghilabot sa mga langyaw sa mga suliran nga mahatagan og kasulbaran sa atong kapulisan. Usa ka pagyatak sa atong dignidad ug paghugaw-hugaw sa atong imahen sa kalibutan ang gihimo niining mga langyaw nga nag apil-apil sa atong suliran. Apan ina kay magreklamo ug magprotesta ang kagamhanang Arroyo sa gihimong pagpanghilabot sa mga langyaw gihangop hinuon kini ug gipasaligan pa og suporta. Unsaon, wa man tay ikabuga kon mag inisog ta ngadto nila ilabi na sa Amerika, mao na nga i-welcome nalang nato sila.

Ang way kasulbaran nga extra-judicial killings sa nasud maoy dagway sa katakos sa atong kapulisan sa pagsumpo sa krimin nga nagapanghitabo. Ang pinolpol nga imbestigasyon nga gihimo sa atong kapolisan maoy nagbutang sa atong nasud sa kauwawan sa kanasuran sa kalibutan. Tungod kay wa sila makahimo sa pagsulbad sa mga kaso nga sila ang gitahasan sa pagsulbad nanghilabot na ang mga langyaw. May ipangutana lang ko nimo Director-General Oscar Calderon, ikaw man ang labaw sa puwersa sa atong kapulisan dinhi sa nasud, wa ka mauwaw sa gihimong pagpanghilabot sa mga langyaw sa inyong trabaho? Kon wa ka man ugaling mauwaw, din baga ka diay og nawong? Tungod sa katanga sa inyong trabaho dili lamang ang ahensiyang imong gipanguluhan maoy imong gipakauwawan, gipakauwawan usab nimo, ninyo ang katawhang Pilipinhon ngadto sa kalibutan.

Hinuon ako nagtoo nga sa pagka tinuod dili gayod ingon ana ka tanga (sigon sa atong gitoohan) nga mohimo og imbestigasyon ang atong kapulisan tungod kay ang paghimo og imbestigasyon ila kining gitun-an sa PNPA ug sa PMA wa pay labot sa ubang pagbansay-bansay nga ilang naapilan. Ako nagduda nga ang atong kapolisan nagpatanga-tanga lamang sa ilang trabaho sa pag imbestigar sa mga extra-judicial killings dinhi sa nasud tungod kay kauban ra usab nila sa gobyerno ang nagpauso niini. Hinumdumi ra ugod ninyo ang findings sa Melo Commission, Philip Alston, US Senate ug Permanent Peoples Tribunal sa Netherlands, dili ba militar man ang ilang giingon nga adunay kamot sa mga extra-judicial killings?
* * *
Good evening Super Ger guard ni sa USC-TC minaw mi sige nimo. Ang among agency wala jud ghapon ehatag ang among uniform allowance ato dcmbr grelease sa usc ang money 600/head untl nw wala ghapon rles hadlok mi nga mapariha ni sa among sss. Cge lang pasalig. Hoy reles na tawon! 09063083408

AMERIKA ANG PERMANENT PEOPLES TRIBUNAL ATONG DIRECTOR-GENERAL OSCAR CALDERON EUROPEAN UNION MELO COMMISSION PHILIP ALSTON TUNGOD
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with