Korakot nga nasud
AMBOT LANG - AMBOT LANG Ni Gerry Auxilio () - March 15, 2007 - 12:00am
Sa pagpangita sa Visayas Ombudsman og dugang mga ebidensiya sa tag 224 mil ka pesos nga mga decorative lamp post, ilang nasuta nga aduna pa diay mas grabe pa ka mahal nga mga butang nga gipamalit ang atong gobyerno niadtong pagpahigayon sa 12th Asean Summit. Nahibaw-an sa Ombudsman nga ang mga street lights nga anaa gipabarog paingon sa Cebu International Convention Center sa dakbayan sa Mandaue gihapon mikantidad diay kini og tag 314 mil ngadto na sa 350 mil ka pesos ang matag usa. Grabihang salbahisa na gyod sa mga naghimo niini diha sa buhatan sa atong kagamhanan. Wa uroy ni sila tugki og hubag-hubag. Wa uroy sila gabai sa ilang gibuhat. Ang ako lang sab nga pangutana kon madutlan pa ba ni sila og gaba o kauwaw ba kaha? Mga bagag nawong nga buaya na gyod ang nagpaburot niining prisyo sa mga decorative lamp post ug street lights nga naa diha gipabarog sa Mandaue. Ngano kaha no nga anaa man mahimutang sa dakbayan sa Mandaue kining mga mahalon nga street lights ug mga decorative lamp post?

Kining mahalong mga decorative lamp post ug street lights usa lamang kini ka basihan kon ngano ang Pilipinas nag-una sa pagpangorakot sa kanasuran sa Asia.

Sa gipahigayon nga perception survey kaniadtong Enero ug Pebrero ning tuiga sa Political and Economic Risk Consultancy kon PERC nga nagbasi didto sa Hong Kong migawas nga sa 1476 ka mga langyaw nga magpapatigayon nga gipangutana , ang Pilipinas nag-una sa trese ka mga nasud sa Asia nga grabe kaayo ang pagpangorakot. Sa eskala nga 0-10 diin ang 10 mao ang pinakagrabe og corruption, ang Pilipinas nakakuha og 9.4 ug gisundan usab kini sa Thailand ug Indonesia nga adunay 8.03.

Ang maong resulta sa survey gibasol sa Malacañang ngadto sa opposition uban ang pag-question usab sa mga gihimong basihan niini. Wa kaha makutaw ang utok sa pipila ka mga tawo diha sa Malacañang? Ngano ugod tawon nga ila mang ibasol ngadto sa opposition ang resulta sa survey nga sila man karon ang nagpadagan sa renda sa kagamhanan? Miubos na daw ang pagpangorakot dinhi sa nasud matud pa sa Presidential Anti-Graft Commission pero kon miubos pa kini nganong nag-una naman hinuon ta sa kanasuran sa Asia kon hisgutan ang corruption? Unsa man tood ang gihimo sa PAGC niining mga opisyal ug kawani sa DPWH nga grabe kaayong nakapaburot sa prisyo sa mga decorative lamp post ug street lights?
* * *
Tugoti nga akong ipatik dinhi ang mga reklamo nga nadawat sa akong tulumanon sa DySS Super Radyo Cebu sa RGMA aron gawas nga madunggan kini sa mga hingtungdan ila usab kini nga mabasa sa pamantalaan.

Super Gerry akong gitrabahoan wala sa minimum ang sweldo unya 14 hours ang duty sa trabaho! Pugson pa gyud usahay buntagay trabaho, dili pagawason kun dili magbuntagay. Mandaue

Super Gerry palihog ko og sibya sa among barangay official sa Arbor, Boljoon, naay tubo pero walay tubig nga moagi, dugay na kaau nang problema dha wala jud masulbad, og hapit na lang m y ligo! saon ang mga official nag sige lang og tagay. Vicente Ang BBQ.COM ug PASEO dire sa Panagdait kada gabii saba kaayo ang banda mosugod sa 10pm hangtod 3AM. Dili mi makatulog hangtod dili sila mahuman. Mga abusado. 09168413595
* * *
Ako diay nga pasalamatan si Junsky nga kanunay nga nagsunod ning atong opinion sa Banat News. Sa sunod na lamang nga isyu ang imong reklamo kay limitado ning atong space.

ASEAN SUMMIT BANAT NEWS MANDAUE PILIPINAS SUPER GERRY
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with