Ang posteng bulawan
AMBOT LANG - AMBOT LANG Ni Gerry Auxilio () - March 13, 2007 - 12:00am
Gisugdan kagahapon sa mga sakop sa komitiba nga giumol sa buhatan sa Visayas Ombudsman ang pagtan-aw sa mga mahalon nga mga decorative lamp post nga nakalinya sa siyudad sa LapuLapu, Mandaue ug Sugbu. Apilon na usab sa pagsusi sa ombudsman ang tanang gipamalit sama sa mga security camera, pagkaon ug uban pa nga gigamit atol sa 12th Asean Summit nga gipahigayon dinhi sa Sugbu.

Sa prisyo nga tag otso mil lamang kapin didto sa China diin gipamalit ang mga decorative lamp post ug gipamalit kini sa kagamhanan sa tag 224 mil ka pesos, klaro ug tataw na kaayo nga aduna gayoy pagpasobra sa prisyo niini. Tungod ba kaha kay murag bulawan ang siga sa mga decorative lamp post nga atong nakita daplin sa ceremonial route sa dakbayan sa LapuLapu, Mandaue ug Sugbu mao seguro nga giprisyohan kini sa atong gobyerno og prisyo sa bulawan.

Bobintaha ang sa LapuLapu ug Sugbu kay wa ka abot og tag usa ka gatos ka libo ka pesos ang matag usa ka poste kon ikompara sa mga poste diha sa Mandaue pero mao ra gihapon porbida gyong mahala sa poste, makakuyap ang prisyo niini.

Kining over pricing sa mga decorative lamp post nakapukaw na usab sa nahikatulog na unta nga panagbangi nila ni Mayor Tomas Osmeña ug Mayor Teddy Ouano. Si Tomas nagpakalimpyo ug midaot ni Mayor Teddy Ouano. Si Tommy mipasingit ni Teddy nga nakasapi sa mahal nga mga decorative lamp post. Samtang si Teddy mihagit ni Tommy paghimo og kinaugalingon nga imbestigasyon. Kon masuta niini nga way corruption, bunalan niya si Tomas sa decorative lamp post apan kon masuta nga adunay corruption, pangibton niya ang mga poste kay simbolo kini sa corruption sa dakbayan sa Mandaue. Samtang sa naandan hilom lang ang mayor sa LapuLapu nga si Boy Radaza mahitungod sa isyu.

Para kanako dili angayan nga mag-away si Tomas ug Teddy mahitungod sa isyu sa decorative lamp post tungod kay biktima lamang sila sa panapi sa mga bag-angan nga buaya nga nagluko diha sa buhatan sa Department of Public Works and Highways. Ang decorative lamp post usa ka nasudnong proyekto busa wala silay labot sa pagpamalit niini. Bisan kon ang Mandaue nakasumiter sa program of works and estimates ngadto sa DPWH, ang naulahi mao pa gihapon ang adunay hukom sa prisyo. Kon nakita nila nga mahal ra kaayo ang gisumeter nga prisyo sa Mandaue City nganong gipadayon man nila kini. Ina kay paubsan gipatas-an man hinoon nila ang prisyo niini. Ang pagpamalit og mga decorative lamp post dili maoy una sa DPWH, nakapamalit na sila og mga decorative lamp post nga gipamutang didto sa kauluhan nga mas mahal pa matud pa sa prisyo sa mga decorative lamp post nga gipamutang dinhi sa LapuLapu, Mandaue ug Sugbu. Mao nga ako nagtoo nga ang ilang gihimo didto sa kauluhan mao usab ang ilang gihimo dinhi sa Sugbu, malas lang kay dinhi sa Sugbu adunay daghang mata nga nagtan-aw.

Sa buhatan sa Visayas Ombudsman nga naghimo og pakisusi niining mahalon nga mga decorative lamp post nga tabla pa natoy gitulis sa atubangan madali unta ninyo ang pagpagawas sa resulta sa inyong imbestigasyon, dili unta ninyo yak-an kining maong kaso aron dali natong masayran kon si kinsa ang mga responsable niining tanan nga panapi.

DECORATIVE LAMP MANDAUE MAYOR TEDDY OUANO POST PRISYO SUGBU VISAYAS OMBUDSMAN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with