^

PSN Opinyon

Karne Norte bugti sa research

MODUS - Uriel Cruz Vallecera -
Dili pa lang dugay, nakadawat kog reklamo diin nahilambigit ang usa ka eskuylahan. Dili gyod mismo ang eskuylahan maoy nagpasiugda sa tinonto kondili ang usa ka magtutudlo nga nag-alagad sa maong tulunghaan. Nakahukom kong ipatik ang text sa reklamante aron inyong masabtan ang unod sa iyang sumbong.

Ang text nagkanayon: "Sir, naa koy gamay nga reklamo bahin sa usa ka maestro nga mangayo og tulo ka lata nga corn beef kada estudyante. Bugti niini mao nga dili na niya sugoon ang mga estudyante sa pag-research. Estudyante ko sa usa ka unibersidad dinhi sa Cebu. Thanks." -- 0918-7696157 (Nov. 27, 2006 -- 18:38.41)

Maayo sab og diskarte kanang maong magtutudlo, no? Libre gyud ang iyang panud-an kay tiaw bay tulo ka corn beef (linata) ang iyang pangayoon kada estudyante. Ug pila man kaha ka estudyante ang iyang pangayoan niini? Pastilan!

Pero ang nakatulibagbag niining pamation mao nga nagtudlo kini sa mga estudyante sa pagtinapolan sa ilang pagtuon. Unsa man unya ang makat-onan sa mga estudyante kon ingon niining matang sa magtutudlo ang magdaghan. Mosamot og kabugo ang atong mga tinun-an. Busa maayo tingali nga isumbong ninyo kanang maong magtutudlo ngadto sa inyong dean o ba kaha sa registrar mismo sa unibersidad aron masumpo na kanang gihimo niyang tinonto ngadto sa mga estudyante.
* * *
Sa laing bahin: "Good day, Sir. Diri sa Lapu-Lapu gidakop ko tungod kay naghabalhabal ko. Naa koy ikapakita nga resibo ug OR pero gi-impound gyod sa polis ang akong motorsiklo. Makataronganon ba kana?" -- 0917-3243738 (Nov. 27, 2006 -- 13: 26:11)

Wala kaayo ko ka gets kon unsa kanang resibo o OR nga imong giingon. Rehistro ba kana sa imong motorsiklo o unsa? Labing maayo unta kadto kon gipangutana nimo ang polis nga nagdakop nimo kon unsay violation nga imong gihimo nga gi-impound man ang imong motorsiklo. Dili man sab god mahimo kon komentaryohan ko kining imong reklamo bisan dili klaro ang imong presentasyon. Basin diay kon nakahimo pod gyud ka og violation? Klaroha kana.

(Sumbong ug reklamo? Text sa 0910-8105522)

BUGTI

BUSA

CEBU

DILI

ESTUDYANTE

IMONG

KLAROHA

SIR. DIRI

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with