Pilots ni Hello Garci umalis ng Pinas

BINABATI ng mga kuwago ng ORA MISMO, ang bagong pamunuan ng Airport Press Club na nagdaos ng kanilang halalan noong Biyernes ng hapon. Si Recto Mercene ng Malaya ang nanalong Pangulo ng APC samantalang si Anjo Perez ang Chairman of the Board. Congrats sa APC!

Akala siguro nina Capt. Art Santos at Willy Bautista, mga piloto ng Subic Air Learjet RPC-1426 na naglipad noong July 14 ng gabi kay Hello Garci sa Seletar airport, Singapore ay dehins ko mamo-monitor ang kanilang pag-goodbye sa Pinas.

Last week umalis na si Art pero dehins ko muna sasabihin kung nasaang lugar at hotel siya naka-check-in pero tiyak ang mga kuwago ng ORA MISMO, na wala sila sa Singapore. Paging Congressman Gilbert Remulla, Your Honor! Sabi nga, flight means guilt?

Ayaw kasi ni Art magsalita ng tunay na tunay habang dinidinig siya sa Kongreso regarding sa eskapo ni Hello Garci kasi baka marami pang sumabit todits sabi ng mga asset ng mga kuwago ng ORA MISMO. Kailangan kasing ipa-lie detector si Art regarding this matter!

Si Art ay 63 years old na pero lumilipad pa ito sa aboard, este mali, abroad pala, na ipinagbabawal ng regulasyon at alituntunin ng Air Transportation Office. Sabi nga, kapag nabulatlat, cancel ang pilot license nito.

Unang umalis ng Pinas si Willy, dehins din muna sasabihin ng mga kuwago ng ORA MISMO kung nasaan nagpapalipad ng aircraft ang una. Ika nga, secret muna!

"Talaga bang umiskapo ng Pinas si Art at Willy?" tanong ng kuwagong mangangahoy.

"Sigurado ito kamote," sagot ng kuwagong SPO-10 sa Crame.

"Mainit ba sila sa oposisyon kaya naisipan nilang umalis?" tanong ng kuwagong Kotong cop.

"Sa palagay ko yes dahil kung hindi dehins na sila kakalampagin ng mga ito regarding sa issue ni Hello Garci."

"Anong susunod dito kamote!"

"Magbasa ka tekamots sa susunod na isyu maganda ang magiging istorya siyempre dapat suspense!"