^

Banat Opinyon

Lunop ug baha!

RENBOR PATROL - Rene U. Borromeo - Banat

Maayo kay ang chief of staff sa mayor sa Cebu City nakasabot sa problema nganong maglunop ang Manalili Street, D. Jakosalem Street, ug ubang lupa nga bahin sa downtown sa dakbayan kon mag-uwan.

Ang mga karsada dunay tagsa-tagsa ka drainage systems aron ang tubig kon mag-uwan, adto modagayday paingon sa sapa. Apan balit-ad ang nahitabo diha sa Estero de Parian, ang sapa nga naa Colon ug Manalili.

Imbes ang tubig mopaingon sa sapa, ang tubig na man hinoon nga gikan sa sapa maoy mosugwak paingon sa karsada, ug maoy hinungdan nga kon mag-uwan dali kaayong maglunop.

Nganong naingon man niini ang sitwasyon? Kini tungod kay mimabaw na pag-ayo ang sapa nga napuno na sa mga lapok nga wa na gyud kahabwai sulod sa taudtaud na nga katuigan.

Ang siyudad kaniadto panahon sa administrasyon ni kanhi Mayor Alvin Garcia, dunay gamay nga excavator nga mahimong ipakanaog ngadto sa sapa ug maoy mokandos sa mga lapok ug hakoton sa mga trak.

Apan pagkakaron, bisan pa og ang siyudad dunay excavator, dili gihapon kini mahimong gamiton paglimpyosa mga lapok diha sa Estero de Parian kay migamay ug mimabaw na kaayo ang sapa.

Gawas pa, ang ilawom sa building sa Gaisano Main nga gitukod nila ibabaw sa sapa, dili gyud maagian kay nakababag kini sa moagi nga makinarya.

Gitigum na ni Kenneth Siasar, ang chief of staff sa mayor sa Cebu City, ang tag-iya sa mga building diha sa Estero de Parian ug gihisgotan nila kon unsaon nga mapalawman ang sapa.

Ikaduha, giingnan sila ni Siasar nga gub-on gyud ang kabahin sa ilang estraktura nga anaa mahimutang sa three-meter easement gikan sa tampi sa sapa.

Apan wa tingali mahibaw-i ni Siasar nga ang tagdumala sa usa ka balay-patigayon nga nahimutang kilid sa sapa diha sa Colon Street, mipasalig na kaniadto nga naghuwat na lang sila nga mahuman ang ilang gitukod nga lutoanan sa ilang pagkaon didto sa Minglanilla aron gub-on ang kabahin sa building nila nga anaa daplin sa Estero de Parian.

Dugay na kaayo kini nga saad, ug wa gyud kini kahimoi og follow-up. Usbon ko, nindot kining gihimong lakang sa City Hall, ug unta dili lang kini makalimtan ug matag buwan, mopadangat sila og update niini.

* * *

Naminaw gyud ko sa press conference sa mga City Hall reporters nga si Kenneth Siasar maoy nanubag, ug nakadayeg ko nga maayo siyang mopasabot sa mga isyu nga gipangutana sa mga tigbalita.

DAKBAYAN

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with