Bebot itinumba sa Baclaran
MANILA, Philippines — Dead-on-the-spot ang isang 35-anyos na babae nang barilin sa ulo ng hindi pa tukoy na salarin, sa Parañaque City, kamakalawa ng gabi.
Kinilala ni Parañaque City Police Station commander P/Colonel Renato Ocampo, ang biktimang si Manilyn Acuesta Guinto, residente ng Bagong Ilog St., Brgy. Baclaran, Parañaque City.
Sa ulat, unang rumesponde Capt Mythor Santos, PSSg Albert Arenas, at Patrolman Mamet Mendoza sa tawag ng concerned citizen hinggil sa pamamaril.
Dakong alas- 8:10 ng gabi nang maganap ang insidente sa Dimasalang Extension, Brgy. Baclaran, Parañaque.
May narinig umanong dalawang putok ng baril ang mga residente at nakita na nakahandusay at duguan ang babae na agad itinawag sa Baclaran Police Sub-Station.
Natagpuan ng Station Investigation and Detective Management Section (SIDMS) sa crime scene ang dalawang basyo ng bala ng kalibre 45. Baril.
Nakikipag-ugnayan din ang awtoridad sa ilang kabahayan sa lugar na may closed circuit television (CCTV) upang alamin kung nahagip ang pangyayari na maaring pagbatayan sa isinasagawang imbestigasyon.
May impormasyon din sa nasabing barangay na ang biktima ay isang drug surrenderee.
- Latest