P2.5 milyon halaga ng ketamine, nasabat ng BOC
MANILA, Philippines — Nasabat ng Bureau of Customs (BOC) ang P2.5 milyong halaga ng ketamine na nakatago sa mga picture frame sa Port of Clark sa Pampanga.a
Ayon sa BOC, naharang ang shipment na naglalaman ng nasabing iligal na droga na nagmula sa Madrid, Spain noong Hunyo 21, 2022 na nakadeklarang “Marco Dela Foto” o photo frames.
Lumabas sa X-ray scan ang kahina-hinalang imahe kaya’t isinailalim sa physical examination.
Natukoy ng port officials na ang dalawang malalaking picture frames sa loob ng cargo ang nakatagong 500 gramo ng white crystalline substance na nakasingit sa pagitan ng transparent polycarbonate plates.
Sa field testing ng Customs Anti-Illegal Drug Task Force (CADTF) , natukoy ang presensya ng ketamine sa nasabing substance.
Ang ketamine ay kabilang sa ikinukunsiderang dangerous drug na ipinagbabawal sa bansa sa ilalim ng Republic Act 9165 (Comprehensive Dangerous Drugs Act of 2002).
Kinumpirma naman ng Philippine Drug Enforcement Agency (PDEA) na ang samples na ipinadala ng CADTF ay ketamine.
- Latest
