4 holdaper, bulagta sa shootout
MANILA,Philippines — Bulagta ang apat na holdaper ng isang gasoline station at convenience store matapos makipagbarilan sa mga pulis sa Payatas Road, Quezon City, kahapon ng madaling-araw.
Hindi pa nakikilala ang apat dahil walang identification card na nakuha sa kanilang katawan.
Ayon kay P/Lt. Col. Joel Villanueva, hepe ng Batasan Police Station, dakong alas-2:30 ng madaling araw ay nakatanggap sila ng impormasyon na hinoldap ng apat na lalaki ang isang gasolinahan at isang convenience store sa Payatas Road kaya agad na naglatag ng hot pursuit at dragnet operation.
Naispatan ng mga nagpapatrolyang pulis ng QCPD Station 6 ang apat, base sa description na ibinigay sa kanila ng gasoline boy kaya pinara nila ang mga ito, pero sa halip na huminto ay pinaharurot pa nila ng takbo ang kanilang mga motorsiklo at pinaputukan ang mga awtoridad.
Nagkaroon ng ‘running gun battle’ hanggang sa makorner ng mga awtoridad pero sa halip na sumuko ay nanlaban pa ang ito na nagresulta ng kanilang kamatayan.
Narekober ng pulisya sa mga suspek ang ninakaw na P12,000 cash at tatlong cellphone, apat na baril at mga bala, dalawang motorsiklo at mga pakete ng shabu.
- Latest