Anak ng comedian tiklo sa 1-kilong marijuana
MANILA, Philippines — Arestado sa mga awtoridad ang anak ng isang kilalang actor/commedian at dalawa nitong kasamahan sa isinagawang buy bust operation sa Quezon City, kamakalawa ng gabi.
Kinilala ni Quezon City Police District (QCPD) P/Chief Supt. Joselito Esqui-vel Jr. ang mga suspek na sina Michael Clarion, alyas “Kelo”, anak ng actor/comedian na si Dinky Doo; at kasamahan na sina Junard Salas at Jerome Lorenzo, pawang residente ng Palawan St., Brgy. Pag-asa, Quezon City.
Nabatid mula kay QCPD Station 4 commander, P/Supt. Rossel Cejas na ang tatlo ay nadakip dakong alas-10:30 ng gabi sa Road 8, Brgy. Pag-asa, sa lungsod. Nakuha sa mga suspek ang halos isang kilong pinatuyong dahon ng marijuana na nagkakahala- ga ng P95,000, drug pharaphernalia at buy bust money.
Ayon kay Supt. Cejas, matagal na nilang sinusu-baybayan ang kilos ng mga suspek makaraang matukoy na sila ang nagtutulak ng marijuana at bawal na droga kaya isinagawa ang buy bust operation laban sa kanila.
Nahaharap ngayon sa paglabag sa R.A 9165 o Comprehensive Dangerous Drugs Act of 2002 ang mga suspek.
- Latest
