Binata kinaladkad palabas ng bahay, saka itinumba ng mga nakamaskara

MANILA, Philippines — Kinaladkad mula sa kanyang mahimbing na pagtulog saka pinagbabaril sa labas ng kanyang bahay ang isang lalaki ng dalawang nakamas-karang salarin, kamakalawa ng gabi sa Navotas City.

Nakilala ang nasawi na si Jerry Boy Dimaliwat, 33, binata, obrero at naninirahan sa Champaca Street, Brgy. North Bay Boulevard South, ng naturang lungsod.  Malaya namang nakatakas ang dalalawang salarin na nakasuot ng maskara.

Sa ulat ng Navotas City Police, alas-10:30 ng gabi nang maganap ang krimen sa harap ng bahay ng biktima.  Ayon sa ina ng biktima na si Evangelina Dimaliwat, 58, mahimbing na silang natutulog nang biglang puwersahang binuksan ang pinto ng kanilang bahay at pumasok ang dalawang armadong lalaki.

Kinaladkad ng mga sala-rin ang kanyang anak na si Jerry Boy saka siya nakarinig ng magkakasunod na putok ng baril. Nang lumabas siya, dito na tumambad ang dugu­an at wala nang buhay na katawan ng kanyang anak.

Patuloy ang imbestigas-yon ng pulisya sa insidente partikular ang katauhan ni Di­maliwat upang malaman ang mga maaaring motibo sa pa-mamaslang.