Live-in partner, anak sinaktan, mister kalaboso
MANILA, Philippines – Kalaboso ang isang 35 anyos na lalaki nang habulin ng saksak gamit ang screw driver ang kanyang live-in partner, bukod pa sa pananakit sa kaniyang dalawang anak, sa San Andres Bukid, Maynila, sa ulat kahapon.
Nakatakdang iharap sa inquest proceedings sa paglabag sa Republic Act 9262 o Violence Against Women and Children Act ng Women and Children Protection Desk ng Manila Police District ang suspek na si Ariel Custodio, alyas “Chukoy” ng no. 2515 Radium St., San Andres Bukid.
Sa inihaing reklamo ng biktimang nagpatago sa pangalang Gloria, 30 anyos, kay PO2 Vanessa Buligon, alas-8:00 ng gabi kamaka-lawa (Enero 9) nang paluin umano ng suspek ang kanilang mga anak na nasa edad na 8 at 3 anyos.
Kinonpronta niya ang suspect subalit siya naman ang pinagbalingan nito at hinabol ng screw driver.
Sa takot na itarak sa kaniya ang pag-akma ng suspek mabilis na lumabas ang biktima at nagpasak- lolo sa kanilang barangay.
Naabutan pa umano ng mga tauhan ng MPD-Sta.Ana Police Station 6 ang suspek na hinahasa sa bangketa ang dulo ng screw driver. Gayunman, nang sitahin ng pulis ay kusang sumuko ito.
- Latest
