Cherry Pie, nagpasaklolo sa NBI

MANILA, Philippines - Sinimulan na ng National Bureau of Investigation (NBI) ang kanilang parallel probe kaugnay sa pagkapaslang sa nanay ng aktres na si Cherry Pie Picache noong nakalipas na linggo.

Ito’y ma­tapos na dumulog kahapon ang aktres sa tanggapan ng NBI para personal na hingan ng tulong ang bureau sa ikalulutas sa kasong pagpaslang sa kanyang ina.Nagbigay na rin ito ng sworn statement na basehan ng bureau sa kanyang formal complaint para sa imbestigasyon sa kasong pagpaslang sa ina ng aktres na si Zenaida Sison sa kasagsagan ng ma­lakas na pag-ulan at bagyo noong nakalipas na Biyernes.

Kahapon din ay agad na tinungo ng NBI ang bahay ni Sison kung saan naganap ang krimen para sa pasimula ng kanilang imbestigasyon.